San Lucas 7:17 - Bible in Tzeltal de Oxchuc y Tenejapa

¹⁷ Pujc' sc'oplal ta spamal sq'uinal Judea soc ta bayuc ta sjoylejal te bila la spas te Jesuse.

Nuevo Testamento Tzeltal de Amatenango

¹⁷ Pujk skꞌoplal te sjoylejal estado Judea sok ta bayuk nax te tuti spas te Jesuse.

Bible in Tzeltal Bachajón

¹⁷ Puhc ta halel sc'oblal Jesús ta spahmal sq'uinal Judea soc ta sjoyobal.

San Lucas 7:17 ပူးပေါင်းရင်းမြစ်များ

San Mateo 2:1

Ayin Jesús ta lum Belén te ay ta sq'uinal Judea te c'alal ay ta muc' ajwalil a te Herodese. Julic tel ta Jerusalén p'ijil winiquetic te talic ta stojol sloq'uib c'aal.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Mateo 9:26

Ta spamal te q'uinale pujc' sc'oplal te bila c'ot ta pasel ta swenta te Jesuse.

San Mateo 9:31

Ja'uc me to, loq'uelic to nax bael a te caj spucbeyic sc'oplal ta spamal q'uinal te bila pasbotic yu'un te Jesuse.

San Marcos 1:28

Ora pujc' sc'oplal te Jesús ta spamal sq'uinal Galilea.

San Marcos 6:14

Te ajwalil Herodes la yaiy stojol spisil te bila yac ta spasel te Jesuse, yu'un pujq'uem sc'oplal ta spamal te q'uinale. Te Herodese jich la yal yu'un: —Ja' niwan te Juan J'ac'-ich'ja'e. Cha'cuxemix tel ta bay te animaetique. Ja' swentail te ayix yu'el ta spasel spisil in to —xi'.

San Lucas 4:14

Te Jesús sujt' bael ta Galilea ta swenta yu'el te Ch'ul Espiritue. Pujc' sc'oplal ta spamal te q'uinale.

San Lucas 7:14

Jich noptsaj bael te Jesuse. La spicbey scajcante'al te animae. In te mach'atic sq'uechojique la stejc'an sbaic. Te Jesús la yalbey te animae: —Querem, ya calbat, jajch'an —la yut.