San Lucas 7:12 - Bible in Tzeltal de Oxchuc y Tenejapa

¹² Te bit'il nopol ayiquix ta ti'lume, la yil q'uechbil loq'uel tel ta lum anima te ya xbajt'ix ta muquele. Sjoinej tel te tsobol ants-winiquetique. Te sme' te animae, me'ba ants. Jip jtul a te yal te laje.

Nuevo Testamento Tzeltal de Amatenango

¹² Nopol xlaj kꞌotix a, te ba tiꞌ jtejklume la yil choybil kꞌael jtul anima yuꞌun xbajt ta mukel. Te smeꞌe meꞌbaꞌ ants. Jip a te jtul yale. Joyinbil kꞌael yuꞌun bayal genteetik yuꞌun te jtejklume.

Bible in Tzeltal Bachajón

¹² C'alal nopol ya xc'ohtix ta yochibal te pueblo, yac yic'belic bahel mach'a chamen, hip jtuhl a te yal me'ba' ants; soc joquimbil bahel yu'un tsobol ants-winiquetic yu'un te pueblo.

San Lucas 7:12 ပူးပေါင်းရင်းမြစ်များ

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Génesis 22:2

Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

2 Samuel 14:7

Yo'tic spisil te jpat-jxujq'ue ma lecuc yo'tanic ta jtojol, ya sc'anic te ya cac'bey ta sc'abic te mach'a la smil te yermano. Yu'un laj ya sujt'esbey spacol te xch'ich'el te mach'a laj ta milele. Jich ya smilic te jtul xan mach'a ay ta swenta yich'el jilel te bi ay yu'un te state. Jich ya stup'bonic te jun xan ac'al c'oem te jil cu'une. Jich ya stup'beyic sts'umbal soc sbiil ta balumilal te jmamlale —xi' te antse.

1 Reyes 17:12

Albot yu'un te antse: —Ya calbat ta jamal ta stojol te Ajwalil te Dios awu'une, te ma'yuc waj cu'un. Melel ja' xanix jch'in jojp harina ay cu'un ta oxom, soc jteb xan aceite ta jarra. Ja' yu'un yacalon ta tsobel si', ya xba jpas yu'un ya jwe' soc cal. Ja' slajibalix te ya jwe' soque, patil ya me xlajonix ta wi'nal soc a —xi'.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

1 Reyes 17:23

Te Elías ora la spet, la yic' jajch'el tey ta scuarto, la yic' coel ta sba cajal na. La yac'bey ta sc'ab te me'ba ants te yale, jich la yalbey: —Ilawil te awale, cuxulix —la yut.

1 Reyes 17:9

—Jajch'an, baan ta lum Sarepta te ay ta sq'uinal Sidón, tey ya x'ainat a. La jpasix ta mandal jtul me'ba ants te tey nainem a, ya me yac'bat awe'el —xi' sc'oplal.

2 Reyes 4:16

Te Eliseo jich la yalbey: —Te ja'wil ya xtal, jich bit'il ora to, apetoj meix awal a —la yut. La sjac' te antse: —Ma niwan, tatic. Ja'at te swinicat Dios, ma me xalo'layon te jo'on awabatone —xi'.

2 Reyes 4:20

Te abat la stsac, la yic' bael te banti ay te sme'e. Te sme' la snajc'an ta yacan c'alal ta olil c'aal te yale. Te alalquereme laj.

Job 29:13

Te mach'a mero wocol aye, “Wocol la awal”, xi' ta jtojol; te me'ba antsetic bin nax yo'tanic yu'un te scoltayel la cac'beyique.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

San Lucas 7:11

Che'oxeb c'aal ta patil bajt' Jesús ta bay ch'in lum Naín. Sjoinej bael te jnopojeletic yu'un soc tsobol te ants-winiquetic.

San Lucas 7:13

Te Cajwaltique la yil soc la sna'bey yolij sba te me'ba antse. Jich la yalbey: —Ma x'oc'at —xi'.

San Lucas 8:42

yu'un lajelix te jip jtul yantsil-nich'ane te ay niwan lajchayeb ja'wil ya'wilale. Te c'alal yac ta beel te Jesuse, stenten nax sbaic ta spat te ants-winiquetique.

San Lucas 8:52

Spisilic yacalic ta oq'uel, soc x'awetic nax ta smelel yo'tanic yu'un te ach'ixe. Te Jesús jich la yalbey: —Ma x'oq'uex. Melel te ach'ixe ma ba lajem. Wayal nax —xi'.

San Juan 11:19

Talemic tsobol te judioetic ta smuc'tesbel q'uinal yaiyic te Martae soc te Mariae te bit'il lajemix te Lázaroe.

Hechos 9:39

Jich te Pedro la sjoin bael ta ora. Te c'alal c'otic ta Jope, la yiq'uic bael ta xcha'cajal na ta banti tixil sbaq'uetal te Dorcase. Tey c'o staic spisil te me'ba antsetique. La sjoytayic te Pedroe, soc yacalic ta oq'uel, soc la yac'beyic yil te sc'u'-spaq'uic te pasbilic yu'un te Dorcas te c'alal cuxul to ae.

Hechos 9:41

Te Pedro la stsacbey te sc'abe, la stejc'an jach'el soc la yic' tel spisil te mach'atic ch'ul lum yu'un Dios soc te me'ba antsetique. La yac'bey yilic te bit'il cuxulix te Dorcase.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.