San Lucas 6:1 - Bible in Tzeltal de Oxchuc y Tenejapa

¹ Te Jesús soc te jnopojeletic yu'une yacalic ta beel ta sc'aalelal cux-o'tan. C'axic bael ta yolilal ts'unbil trigoetic. Te jnopojeletique caj xjixbeyic sbac' te trigoe. La sc'ut ta sc'abic, yu'un ya xc'uxbeyic te site.

Nuevo Testamento Tzeltal de Amatenango

¹ Ta skꞌaalel kuxo-oꞌtan te Jesuse been kꞌaxel ta triwualtik. Te jnopojeletik yuꞌune lijk skꞌokbeyik sjol te triwue. La skꞌut ta skꞌabik yuꞌun ya xkꞌuxbeyik te sbakꞌe.

Bible in Tzeltal Bachajón

¹ Ta sc'ahc'alel cux-o'tan c'ax Jesús ta banti ay trigohiltic; te jnopojeletic yu'un la sjixticlanic trigo, la sc'uticlan ta sc'abic soc la sc'uxic.

San Lucas 6:1 ပူးပေါင်းရင်းမြစ်များ

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Levítico 23:15

“Te bi c'aalil ya awich'ic bael te jtom te bila sbabial loc' awu'unic swenta toyilayel majt'anil, ta xchebal c'aal te sc'aalelal cux-o'tan, ya me awajtayic ta lec juqueb semana.

Levítico 23:7

Te sbabial c'aal ya me yich' pasel ch'ul tsoblej; ma me xapas awat'elic, biluc at'elil te tulan ta pasele.

San Lucas 5:39

Soc te mach'a c'aem ta yuch'el te pocol vinoe, ma smulan yuch'el te yach'ile. Yu'un ya yal te ja' lec stuquel te pocol vinoe —xi' te Jesuse.

San Lucas 6:6

Ta yan sc'aalelal cux-o'tan och Jesús ta sinagoga. Tey jajch' ta p'ijubteswanej a. Ay jtul winic tey a te sicuben xchial swa'el sc'abe.

Deuteronomio 16:9

“Te c'alal c'axix juqueb semana a, te jajch' ta ajtayel ta yorail jajch' ta set'el te cebada,

Deuteronomio 23:25

Teme ochex ta banti sts'unbil trigo, ya me xju' ya atuch'ic ta ac'abic, pero ma me xju' ya aset'ic ta hoz.