San Lucas 5:8 - Bible in Tzeltal de Oxchuc y Tenejapa

⁸ C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Nuevo Testamento Tzeltal de Amatenango

⁸ Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

Bible in Tzeltal Bachajón

⁸ C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

San Lucas 5:8 ပူးပေါင်းရင်းမြစ်များ

2 Samuel 6:9

Jich ora te David bayal xiw yo'tan ta stojol te Cajwaltique. Jich la yal: —Yo'tic ma ba ya quich'ix bael te cajón yu'un Cajwaltic —xi'.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Éxodo 20:19

Jich la yalbeyic te Moisés: —Ja'at xac'oponotic atuquel, ya me jch'uuntic. Ma xju' cu'untic te ya sc'oponotic te Diose, repente ya xlajotic yu'un te sc'ope —xiic.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

San Mateo 17:6

Te c'alal la yaiyic stojol te jnopojeletique, bayal xiw yo'tanic yu'un, soc la stinan sbaic coel c'alal ta lum.

San Mateo 2:11

Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

San Mateo 8:8

Te centurión jich la yal: —Cajwal, ma spas te ya x'ochat ta jnae. Tic' a teme ya awal mandale. Jich me ya xcol te abat cu'une.

San Lucas 5:7

Jich yu'un la sbechc'abtay tel te sjo'tac te ayic ta yan barco te yacuc xtal ta coltayel yu'unique. Jich talic. Noj xchebal te barcoetic yu'un te chaye. C'an muluc coel ta ja' yu'un te yalale.

San Lucas 5:9

Yu'un xiwen yo'tan te Simone soc spisil te sjo'taque ta scaj te bayal chay la stsaquique.

San Juan 11:32

C'alal c'ot María tey a ta bay te Jesuse, la squejan sba ta stojol. Jich la yal: —Cajwal, te li'uc ayate, ma ba laj te quijts'in te jichuque —xi'.

1 Corintios 13:12

Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Jueces 13:22

Te Manoa jich la yalbey te yiname: —Ta mero melel ya xlajotic, melel la quiltic te Diose —xi'.

1 Samuel 6:20

Te yajwal lum Bet-semes, jich la yalic: —¿Mach'a ya xju' ya stoy sba ta stojol te Cajwaltic, te ja' mero ch'ul Dios stuquele? ¿Mach'a ya xc'ot ta swenta teme loc' bael ta jtojoltique? —xiic.