San Lucas 5:26 - Bible in Tzeltal de Oxchuc y Tenejapa

²⁶ Ta spisilic jchajp nax la yilic. La yalbeyic wocol Dios yu'un, soc xiw yo'tanic yu'un. Jich la yalic: —Yan sba ya quiltic ta ora to te bila c'ot ta pasele —xiic.

Nuevo Testamento Tzeltal de Amatenango

²⁶ Spisil te genteetike lom cham a yaꞌiyik. La yalbeyik kola yal Dios yuꞌun, y xiꞌik yuꞌun. Jich a yalik: —Ora to la kiltik te tut ben tulan a kꞌot ta pasele —xchiik.

Bible in Tzeltal Bachajón

²⁶ Xcham yo'tan spisilic yu'un soc la yalbeyic bayel yutsilal Dios yu'un. Noj xiwel ta yo'tanic, hich la yalic: Yo'tic la jquiltiquix yutsil a'teliletic, xchihic.

San Lucas 5:26 ပူးပေါင်းရင်းမြစ်များ

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Oseas 3:5

Ta patil te israeletic ya sujt'ic tel, ya xtal sleic te Cajwaltic, te Dios yu'unique, soc te muc' ajwalil yu'unic, ja' te David. Ta slajibal c'aal, ya me xnoptsajic tel ta stojol te Cajwaltique, ya me yich'ic ta muc', soc bin nax me yo'tanic yu'un te lequilal ya yac' stuquele.

San Mateo 12:23

Spisil te ants-winiquetic jchajp nax la yilic a. Jich la yalic: —¿Ma bal ja'uc te Sts'umbal David te maliybile? —xiic.

San Mateo 28:8

Jich te antsetique la yijq'uitayic te muquenale. Bajt'ic ta ora. Ayic ta xiwel soc ay bayal sbujts' yo'tanic yu'un te bila la yaiyiquix stojole. Animajic bael yu'un ba yalbey yaiyic te jnopojeletique.

San Mateo 9:8

C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

San Marcos 2:12

Jich jajch' ta ora. La stsac jajch'el te scajcante'e. Loc' bael ta yolilic. Q'uelel sitic ta spisilic. Bayal ayan yo'tanic yu'un, soc la yalbeyic wocol Dios yu'un: —Xujt' ma'yuc banti quilojtic in to —xiic.

San Lucas 1:65

Spisil te spat-xujq'ue jchajp nax q'uinal la yaiyic yu'un. La spucbeyic sc'oplal ta spamal witstiquil ta sq'uinal Judea te bila c'ot ta pasele.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

San Lucas 8:37

Spisil te ants-winiquetic te ayic ta sq'uinal Gadara, jajch' yalbeyic wocol te Jesús te yacuc loc'uc bael ta sq'uinalique, yu'un bayal xiwic yu'un. Jich och ta barco te Jesuse, sujt' bael.

Hechos 4:21

Te jwolwanejetique tulan la sbalic ta utel soc la scoltayic bael. Melel ma la staic te bila ya yac'beyic castigo yu'un ta scaj te lume. Melel spisil yacalic ta yalbel wocol Dios yu'un te bila c'ot ta pasele.

Gálatas 1:24

Jich la yalbeyic bayal wocol Dios yu'un te bit'il jch'uunejixe.