San Lucas 5:21 - Bible in Tzeltal de Oxchuc y Tenejapa

²¹ Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

Nuevo Testamento Tzeltal de Amatenango

²¹ Jich te maestroetik yuꞌun te mantaliletike sok te fariseoetike lijk yal ta yoꞌtanik: “¿Machꞌa me winikil to te yipal ta xkꞌaxintayel te skꞌop te Diose? Jaꞌ nax stukel te Dios te ya spas perdon yuꞌun te mulile”, xchiik.

Bible in Tzeltal Bachajón

²¹ Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

San Lucas 5:21 ပူးပေါင်းရင်းမြစ်များ

Salmos 103:3

Ja' te ya spasbon perdón yu'un spisil te bitic ma lecuc jpasoj; ja' te ya slamantesbon spisil te jchamel;

Salmos 130:4

Pero ya jtatic perdón ta atojol, swenta yu'un jich ya quich'ticat ta muc'.

Salmos 32:5

Ja'uc me to, la calbat ta jamal, ma ba la jmuquix ta co'tan te jmule, ja' te bila ma lecuc jpasoje; la jnop te ya calbat ta jamal te muliletic jpasoje, te ja'at Cajwal, la apasbon perdón yu'un.

Salmos 35:5

Jichuc me c'oemic te bit'il ac te ya xlicotic bael yu'un ic'; ac'a yich'ic ch'ojel bael yu'un ch'ul abat yu'un te Cajwaltique.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

Isaías 43:25

“Ja'uc me to, ta scaj te Dioson awu'unic ya jtup'beyex te mulil awu'unic, soc ma ba ya jna'beyex xan.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.

Daniel 9:19

¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Daniel 9:9

Pero Dios cu'untic, te ja'ate atalel ay xc'uxul awo'tan soc ay perdón ta awo'tan. Pero te jo'otic la jtoy jbajtic ta atojol.

Miqueas 7:19

Na'botic xan yo'bolil jbatic ta yan buelta; soc ac'a yich' muquel awu'un te bila amen jpasojtique. Ch'ojbotic coel jmultic ta sc'ubulil te mare.

San Mateo 26:65

Te muc' sacerdote la xch'i' sc'u' yu'un te bila la yal te Jesuse. Jich la yal: —La stoybac'optayix te Diose. ¿Bistuc xan yan testigoetic cu'untic? Ta ora to la awaiybeyiquix stojol te stoyba c'ope.

San Mateo 9:3

Ay jts'ibojometic tey a te jich la yal ta yo'tanique: “La stoybac'optay te Diose”, xiic.

San Lucas 3:8

Ac'a me chicnajuc ta ilel ta swenta awat'elic te bit'il sujt'emix awo'tanic ta mero melel yu'un te amulique. Ma me jichuc xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

San Lucas 5:17

Jun c'aal te c'alal yac ta p'ijubteswanej te Jesuse, ay fariseoetic soc jts'ibojometic te nacalic tey a te talemic ta lumlumtic ta sq'uinal Galilea soc ta sq'uinal Judea soc ta lum Jerusalén. Chican ta ilel te bit'il ta swenta yu'el Dios te yac ta slamantesel jchameletic te Jesuse.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Lucas 7:49

Spisil te mach'atic ay ta mesa te ic'bilic ta we'el soc te Jesuse, jajch' yalbey sbaic: —¿Mach'a me winiquiluc a te ya xju' ya spas perdón yu'un mulil ya yale? —xiic.

San Juan 10:33

Te judioetic la yalic: —Ma ta swentauc lequil at'elil te ya jmilticat ta tone. Ja' nax ta swenta te ya atoybac'optay te Diose. Melel winicat nax te ya acuy aba ta Diose —xiic.

Romanos 8:33

¿Ay bal mach'a ya xju' ya xlebot smulic te mach'atic tsabilic yu'un te Diose? Ma'yuc. Melel te Diose, ja' ac'awanix ta libre.