San Lucas 5:20 - Bible in Tzeltal de Oxchuc y Tenejapa

²⁰ C'alal la yil te Jesús te bit'il ay xch'uunjel yo'tanique, jich la yalbey te jchamele: —Tatic, pasbilatix perdón yu'un te amule —xi'.

Nuevo Testamento Tzeltal de Amatenango

²⁰ Kꞌalal la yil te Jesuse te tutꞌil xchꞌuunej yoꞌtanik te ya xlekuteswane, jich a yalbe te jchamele: —Winik, pasbil perdon te amule —xchi.

Bible in Tzeltal Bachajón

²⁰ Te Jesús, c'alal la yilbe te sch'uhunel yo'tanic, la yalbe te jchamel: Winic, pasbilatix perdón yu'un amul, xchi.

San Lucas 5:20 ပူးပေါင်းရင်းမြစ်များ

Génesis 22:12

Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Isaías 38:17

Ya calbat awaiy te ch'auben co'tan ta neelale, ora yo'tic lamal q'uinal ya caiy. Ja'at acanantayejbon te jcuxlejale, ma ba la awac'on bael ta xch'enal lajel, melel la apasbon perdón yu'un spisil te jmule.

San Mateo 9:2

Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Mateo 9:5

¿Bila wocol ta alel? ¿Ja' bal wocol te “Pasbilatix perdón yu'un amul”, te la cute? ¿O ja' bal wocol ya awaiy te “Jajch'an, beenan”, teme ya cute?

San Marcos 2:5

C'alal la yil Jesús te bit'il ay xch'uunjel yo'tanique, jich la yalbey te chamele: —Jnich'an, pasbilatix perdón yu'un te amule —xi'.

San Lucas 7:48

Jich te Jesús la yalbey te antse: —Pasbilatix perdón yu'un te amule —xi'.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Juan 5:14

Ta patil la sta sba soc ta templo te Jesuse. Jich albot yu'un: —Ya calbat in to: Te bit'il colematixe, ma me xaleulay xan amul, swenta yu'un ma me ayuc bi c'axem to xan jich ya xc'ot ta awenta —utot yu'un.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Hechos 14:9

Tey nacal ta yaiyel stojol te bila la yal te Pabloe. Te Pablo la yilbey sit, la yil te bit'il ay xch'uunjel yo'tan te ya xcole.

2 Corintios 2:10

Teme ay mach'a ya apasbeyic perdón yu'un te bila amen la spase, jich ya jpasbey perdón yu'un uuc te jo'one. Yu'un te mach'a ya jpasbey perdone, teme ay nix bila ya sc'an ya jpasbey perdón yu'une, ja' ya jpasbey perdón ta awentaic ta stojol te Cristoe.

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

Santiago 2:18

Ay mach'a jich ya yal: “Te ja'ate ay xch'uunjel awo'tan, yan te jo'one jpasoj lequil at'elil”, xi'. ¿Bit'il ya awac'bon quil te xch'uunjel awo'tan teme ma ba chican ta awat'ele? Yan te jo'one ya me cac'bat awil te xch'uunjel co'tan ta swenta te cat'el jpasoje.