San Lucas 5:1 - Bible in Tzeltal de Oxchuc y Tenejapa

¹ Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

Nuevo Testamento Tzeltal de Amatenango

¹ Ay jun buelta te ay ta tiꞌmar Genesaret sbiil te Jesuse. Teꞌ kꞌo stsob sbaik a te bayal genteetike. Kꞌan skujik te Jesuse yuꞌun ya skꞌan yaꞌiyik sluwar te skꞌop Diose.

Bible in Tzeltal Bachajón

¹ Jun buelta ay ta ti'mar Genesaret a te Jesús, c'oht ta humtayel yu'un ipal ants-winiquetic yu'un ya ya'iyic te sc'op Diose.

San Lucas 5:1 ပူးပေါင်းရင်းမြစ်များ

Números 34:11

ya xjajch' bael ta Sefam c'alal ta Ribla, ta stojol sloq'uib c'aal yu'un Aín. Te smojonil ya xco bael ta stojol sloq'uib c'aal yu'un te Mar Cineret,

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

San Mateo 14:34

Te c'alal c'axiquix bael ta mar a, c'otic loq'uel ta bay q'uinal te Genesaret sbiile.

San Marcos 3:9

Jich yu'un te Jesús la yalbey te jnopojeletic yu'une te ya sleic junuc ch'in barco tey a ta bay te ti'mare, yu'un tey ya x'och a teme ay swocol ta tenel yu'un te ants-winiquetique.

San Marcos 4:1

Ta yan buelta jajch' ta p'ijubteswanej Jesús ta bay ti'mar. La stsob sbaic tel ta stojol bayal ants-winiquetic. Jich och snajc'an sba ta barco te ay ta ti'mare. Spisil te ants-winiquetic, teq'uelic ta bay sti'il te mare.

San Marcos 5:24

Jich te Jesús bajt' soc te winique. Ay tsobol ants-winiquetic la sts'aclinic bael soc stenten nax sbaic ta spat.

San Marcos 6:53

Te c'alal c'axiquix bael ta mar a, c'otic ta loq'uel ta bay q'uinal te Genesaret sbiile. Tey la xchuquic jilel a te barco ta bay sti'il te mare.

San Lucas 12:1

Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Lucas 5:2

Te Jesús la yil te ay cheb jochol barcoetic ta ti'ja', yu'un loq'uemic ta barco te yajwale. Yacalic ta sapel te stsacjibal-xchayique.

San Lucas 8:22

Ta yan c'aal och ta barco Jesús soc te jnopojeletic yu'une. Jich la yal: —C'axucotic bael te jejch' mar —xi'. Jich jajch'ic ta beel ta mar.

San Lucas 8:23

Te c'alal yacalic ta beel c'axel ta mare, way te Jesuse. Tal buen tulan ic' ta sba te mare. C'an nojuc ta ja' te barcoe. Jajch' bayal swocolic yu'un.

San Lucas 8:33

Jich te pucujetic loc' ta yo'tan te winique, ba ochuc ta yo'tan te chitametique. Spisil te chitametic la xch'oj sbaic coel ta wits c'alal ta muc' pamal ja'. Tey la sjic'anic ja' ta spisilic a.

San Lucas 8:45

Te Jesús la sjojc'o yaiy: —¿Mach'a la spicon? —xi'. La yalic spisilic te ma'yuc mach'a picot yu'une. La yal te Pedro soc te sjo'taque: —Maestro, ja' ya stenat te ants-winiquetique. Tojol ya ajojc'oy te mach'a la spicate —la yut.

San Juan 1:40

Jtul ta xchebal te la yaiybey stojol sc'op te Juane te la sts'aclinic te Jesús ja' te Andrés te yijts'in te Simón Pedroe.

San Juan 6:1

Patil c'ax bael ta bay jejch' mar yu'un Galilea te Jesuse, ja' nix mar yu'un Tiberias.

Deuteronomio 3:17

Soc la cac'bey te suclej Arabá c'alal ta ye'tal wits Pisga, ta stojol sloq'uib c'aal, spisil te q'uinal te ja' sti'il c'oem te muc'ja' Jordán te ya xtal ta Mar Cineret c'alal ta mar yu'un te suclej Arabá, ja' nix te Mar Muerto sbiile.

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

Josué 12:3

Ja' mandalaj ta jejch' ja' Jordán ta stojol sloq'uib c'aal, ja' to c'alal ta Mar Cineret, soc c'alal ta Mar Muerto, ta stojol bael te Bet-jesimot, ta stojol sur, ja' to c'alal ta yoc wits Pisga.

Josué 13:27

Ta stenlej xatal q'uinal ja' jil ta swentaic te lumetic Bet-aram, Bet-nimra, Sucot soc Zafón, te ja' xanix ta bay mandalaj Sehón te muc' ajwalil yu'un Hesbón. Ja' yu'un te sq'uinal Gad ay ta sti'il muc'ja' Jordán ta stojol sloq'uib c'aal asta c'alal sti'il yu'un Mar Cineret ta stojol sur.