San Lucas 4:8 - Bible in Tzeltal de Oxchuc y Tenejapa

⁸ Te Jesús jich la yalbey: —Loc'an ta jtojol, Satanás, melel jich ya yal te Sc'op Dios ts'ibubil jilele: “Ja' nax me ya aquejan aba ta stojol te Cajwaltic Diose, soc ja' nax me ya awac' aba ta abatinel ta stojol stuquel”, te xie —xi'.

Nuevo Testamento Tzeltal de Amatenango

⁸ Te Jesuse la sjakꞌbe: —Kꞌeja aba ta jtojol Satanas, porke tsꞌibabil jilel ta Sjun Dios: “Jaꞌ nax me ya akejana aba ta stojol te Kajwaltik Dios awuꞌune. Sok jaꞌ nax me xꞌawakꞌ aba ta mantaltesel yuꞌun stukel”, xchi me —xchi.

Bible in Tzeltal Bachajón

⁸ La sjac' te Jesús: Loc'an ta jtojol, Satanás, como hich ts'ihbabil: Ch'uhuntaya te Cajwaltic te Dios awu'un, soc ha nax me xawac' aba ta a'batinel yu'un stuquel, la yut.

San Lucas 4:8 ပူးပေါင်းရင်းမြစ်များ

2 Reyes 19:15

Jich la yal: —Cajwal te Diosat yu'un te israeletique, te ay amuc'ul nactijib ta sba te querubinetique, ja'at nax atuquel Diosat te ya apas mandal ta stojol spisil te muc' ajwaliletic ta balumilale, ja'at la apas te ch'ulchan soc te balumilale.

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Lucas 4:4

La yal te Jesuse: —Ts'ibubil ta Sjun Dios te “Ma ja'uc nax ta waj cuxulic a te ants-winiquetique. Ja' ya xcuxinic yu'un spisil te bila yaloj Dios ta sti'”, te xie —xi' te Jesuse.

San Lucas 4:7

Jich yu'un teme ya aquejan aba soc teme ya awich'on ta muq'ue, awu'un ya xc'ot spisil —xi'.

Deuteronomio 10:20

“Ich'aic ta muc' te Cajwaltic te Dios cu'untique, ch'uunaic ta mero stuquel nax, junuc me awo'tanic ta stojol. Teme ay bila jc'axel ya awalique, ja' me xachapic ta swenta stuquel.

Deuteronomio 6:13

Ch'uunaic me te Cajwaltic te Dios cu'untique, ja' nax me xawac' abaic ta abatinel yu'un stuquel. Teme ay bi ora ya ac'anic te ay bi jc'axel ya awalic ta jamale, ja' nax me xapasic ta swenta te Cajwaltique.

Santiago 4:7

Jich yu'un, ac'a abaic ta sc'ab te Diose. Pasaic ta contro te pucuje, jich me ya yijq'uitayat jilel.

1 Pedro 5:9

Aiyaic me tsalaw ta swenta te xch'uunjel awo'tanique. Na'aic me te jich nix yac ta c'oel ta pasel ta stojol te quermanotactic te ayic ta spamal balumilale.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 22:9

Ja'uc me to, la yalbon: —Ma me xapas jich. Melel te jo'one, yabaton uuc te Diose jich te bit'ilat soc spisil te awermanotac te j'alwanejetique soc spisil te mach'a ya yac' ta yo'tanic te bila ts'ibubil li' ta bay in jun to. Ja' me xalajin aba ta stojol te Diose —la yuton.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.