San Lucas 4:25 - Bible in Tzeltal de Oxchuc y Tenejapa

²⁵ Melel xcalbeyex, te c'alal ay ta j'alwanej ta namey te Eliase, ay tsobol me'ba antsetic ta bay smaquen-q'uinal Israel. Te c'alal ma ba la yac' ja'al olil xchaneb ja'wil, jich tal bayal wi'nal ta spamal q'uinal.

Nuevo Testamento Tzeltal de Amatenango

²⁵ Batsꞌi jich ya kalbeyex, ay bayal meꞌbaꞌ-antstik ta Israel te kꞌalal ay ta jꞌalwanej a te jꞌEliase, te kꞌalal maꞌyuk a yakꞌ jaꞌal oxeꞌ jaꞌbil sok olil y tal bayal wiꞌnal ta spisil balmilal.

Bible in Tzeltal Bachajón

²⁵ Soc melel ya calbeyex te ay tsobol me'ba' antsetic ta Israel c'alal cuxul a te Elías te c'alal la yich' maquel oxeb ha'bil soc waqueb u te ch'ulchan soc tal bayel wi'nal ta spahmal q'uinal.

San Lucas 4:25 ပူးပေါင်းရင်းမြစ်များ

1 Reyes 17:1

Te j'alwanej yu'un Dios Elías, te talem ta Tisbe te ay ta sq'uinal Galaad, jich la yalbey te Acab: —¡Ya calbat ta jamal ta stojol Cajwaltic Dios yu'un Israel, te yacon ta abatinel yu'une, te ma ba ya xtal ja'al che'oxeb ja'wil baele, soc ni yacuc xyal tel ts'ujul, ja' to teme jo'on ya cale! —la yut.

Isaías 55:8

Te Cajwaltic ya yal: —Melel ma pajaluc nax bila jna'oj soc te bila ana'oj atuquelique; te bit'il ya x'at'ejon jtuquele, ma pajaluc soc te bit'il ya x'at'ejex te ja'exe. Jich bit'il te ch'ulchane, ja' cajal yu'un te balumilale, ja' nix jich te bitic jna'oj, soc te bit'il ya x'at'ejone, ja' cajal cu'un a te bit'il awu'unique —xi'. Jich la yal te Cajwaltique.

San Mateo 20:15

¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.

San Lucas 10:21

Jich ora te ay bayal sbujts' yo'tan Jesús ta swenta te Ch'ul Espiritue. Jich la yal: —Jtat, te yajwalat ch'ulchan balumilale, jelawen yutsil awo'tan te ja' la awac'bey sna'ic stojol spisil in to te mach'atic peq'uel ayique te ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinale. Jich, Jtat, melel jich la sc'an awo'tan atuquel —xi'.

Romanos 9:15

Melel jich albot yu'un Dios te Moisese: “Chican co'tan jtuquel te mach'a jayeb ya jc'uxtaye soc chican co'tan te mach'a jayeb ya jna'bey yo'bolil sba”, te xi' sc'oplale.

Romanos 9:20

Ja'at te ants-winicate, ¿mach'a ya acuy aba a te ya asujt'esbey sc'op te Diose? ¿Ya bal x'albot te jpac'jom yu'un te vaso te pasbil ta ajch'ale: “¿Bistuc jich la apason?”, xi' bal?

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

Santiago 5:17

Jich bit'il te Elías te j'alwanej yu'un te Diose te pajal ch'ich'-baq'uetotic soque. Te c'alal la sc'opon Dios yu'un te ma ba ya xtal te ja'ale, jich ma ba tal ja'al oxeb ja'wil soc waqueb u.

Apocalipsis 11:6

Te testigoetique ay me yu'elic ta smaquel te ch'ulchane, swenta yu'un ma ba ya xtal ja'al te jayeb c'aal ya xc'opojic ta j'alwaneje. Soc ya xju' yu'unic te ya sc'atp'unic ta ch'ich' te ja'e, soc ya xju' yu'unic te ya yac' c'axuc spisil ta jchajp swocol te balumilale, chican jayeb buelta ya sc'an yo'tanic te ya spasique.