San Lucas 4:2 - Bible in Tzeltal de Oxchuc y Tenejapa

² Tey ain cha'winic c'aal a, soc tal ta ilel yo'tan yu'un te pucuje. Xujt' ma ba we' te jich yipal c'aal tey ae. Patil la yaiy wi'nal.

Nuevo Testamento Tzeltal de Amatenango

² Kuarenta kꞌaal teꞌey a, sok ay ta ilel yoꞌtan yuꞌun te pukuje. Ni maꞌyuk a weꞌ te jich yipal kꞌaale. Ta patil aꞌbot wiꞌnal.

Bible in Tzeltal Bachajón

² cha'winic c'ahc'al, soc c'oht ta tsajel yu'un te pucuje. Ma ba we' te jayeb c'ahc'al tey ay a, patil wi'naj.

San Lucas 4:2 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

1 Reyes 19:8

Te Elías jajch', och ta we'el ta uch'ajel. Te we'elil ac'bot yip yu'un, been cha'winic (40) c'aal soc cha'winic (40) ajc'ubal, ja' to c'ot c'alal ta Horeb, ja' te wits yu'un te Diose.

Ester 4:16

“Baan tsoba spisilic te judioetic ayic ta Susa, albeya ac'a scom swe'elic cu'un. Ma me ayuc bi ya swe' yuch'ic oxeb c'aal soc oxeb ajc'ubal. Jo'on soc te criadaetic cu'une jich me ya jpastic uuc. Ta patil ya me xba quil te muc' ajwalile, manchuc me ma jichuc ya yal te leye. Teme ya smilon a, ac'a smilon”, xi'.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Éxodo 34:28

Te Moisés la sjoin te Cajwaltic cha'winic c'aal soc cha'winic ajc'ubal. Mero ma ba we', soc ma'yuc bi la yuch' tey a. La sts'ibuy tey a ta pejch'el tonetic te c'opetic yu'un te trato, ja' te lajuneb mandaliletique.

Jonás 3:7

Te muc' ajwalil soc te sjo'tac ta ajwalil ay bila la xchapic ta stojol te slumalique, jich la yalic: —Ma me ayuc mach'a ay bila ya swe', soc ma me xyac'beyic swe'el soc ma me xyac'beyic yuch' ja' te swacaxic soc te chijetic yu'unique.

San Mateo 21:18

Ta sacubel q'uinal sujt' xan bael ta muc'ul lum te Jesuse, ay ta wi'nal.

San Mateo 4:2

Te c'alal la spas ayuno cha'winic c'aal soc cha'winic ajc'ubal te Jesuse, la yaiy wi'nal.

San Lucas 4:3

Te pucuje jich albot yu'un: —Teme ja'at Snich'anat te Diose, albeya te ya xc'atp'uj ta waj te ton in to —xi' te pucuje.

San Juan 4:6

Ta sq'uinal Jacob tey ay a te pozo spasoje. Te bit'il luben ta beel te Jesuse, jich la snajc'an sba tey a ta bay te pozoe. Nopol staix olil c'aal a.

Deuteronomio 9:18

Patil la jtinan jba coel c'alal ta lum ta stojol te Cajwaltique, jich nix te bit'il la jpas ta neelal toe. Cha'winic (40) c'aal soc cha'winic (40) ajc'ubal ma'yuc bi la jwe'elin. Jich la jpas ta scaj te mulil la apasique. Jich la awuts'inbeyic yo'tan te Cajwaltique, soc la awac' ilinuc ta atojolic.

Deuteronomio 9:25

Te bi ora la yal te Cajwaltic te jc'axel ya slajinexe, la jtinan jba coel c'alal ta lum ta stojol Cajwaltic cha'winic (40) c'aal soc cha'winic (40) ajc'ubal.

Deuteronomio 9:9

Te jo'one moon bael ta wits, ja' ba quich' tel te cha'pejch' tonetic, ja' te pejch'el tonetic yu'un te trato la spas ta atojolic te Cajwaltique. Tey jalajon cha'winic (40) c'aal soc cha'winic (40) ajc'ubal a, xujt' ma ba we'on.

Hebreos 2:18

In te bit'il c'ax swocol yu'un ta ilel yo'tane, ta ora to ya xju' yu'un ya scoltay te mach'atic ayic ta ilel yo'tanique.

Hebreos 4:15

Melel te Muc' Sacerdote cu'untique, ma yu'unuc ma sna'botic yo'bolil jbatic te bit'il ay jwocoltic yu'un te ma'yuc quiptique, melel la yaiy swocol yu'un spisil ta jchajp uuc te yiljibal yo'tane, jich nix te bit'il ya caiytic te jo'otique. Ja'uc me to, ma ba yal ta mulil yu'un.

1 Samuel 17:16

Pero te filisteo-winique, spisil ora ta sab soc ta mal c'aal ya xloc' tel ta stijel ta c'op te israeletique. Cha'winic c'aal jich yac spasulayel.