San Lucas 4:17 - Bible in Tzeltal de Oxchuc y Tenejapa

¹⁷ Ac'bot ta sc'ab te sjun Isaías te namey q'uinal j'alwanej yu'un te Diose. Ja' la sjam yil te bay ts'ibubil jilele:

Nuevo Testamento Tzeltal de Amatenango

¹⁷ Aꞌbot ta skꞌab te Sjun Isaias te antibo jꞌalwanej yuꞌun te Diose. La sjam te june, jaꞌ a sta ta ilel te tut tsꞌibabil jilele:

Bible in Tzeltal Bachajón

¹⁷ A'bot te hun yu'un te jalwanej Isaías; la sjam te hun, la sta te banti hich ts'ihbabil:

San Lucas 4:17 ပူးပေါင်းရင်းမြစ်များ

San Lucas 16:29

“La yalbey te Abrahame: “Yich'ojbeyic sjun te Moisese soc sjun te j'alwanejetic yu'un te Diose. Ja' ac'a yaiyic stojol te bila ya yale”, xi'.

San Lucas 20:42

Melel ja' nix te David te jich la sts'ibuy jilel ta bay Salmoetic: “Te Cajwaltic Dios jich la yalbey te Cajwale: ‘Naclan ta swa'el jc'ab,

San Lucas 4:16

Te Jesús bajt' ta lum Nazaret te banti ch'ie. Ta sc'aalelal cux-o'tan bajt' ta sinagoga, jich te bit'il c'aem ta spasele. La stejc'an sba ta yilel te Sjun Diose.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

San Lucas 4:20

La smac te jun te la yile, soc la yac'bey te mach'a swentainej te junetique. Jich la snajc'an sba ta p'ijubteswanej ta stojol spisilic. Spisil te mach'atic ayic ta sinagoga la yilbeyic sit te Jesuse.

Hechos 13:15

Te c'alal la yich'ix ilel sjunal te mandalile soc te sjun te j'alwanejetic yu'un te Diose, te mach'atic yich'oj yat'elic ta sinagoga la sticunic ta alel ta stojol te Pablo soc Bernabé: —Quermanotac, teme ay bi ya ac'an ya awalic ta stojol te lume, ya me xju' ya xc'opojex —xiic.

Hechos 13:27

Melel te mach'atic ayic ta lum Jerusalén soc te jwolwanejetic yu'unique, ma la sna'ic teme ja' Jcoltaywanej cu'untic te Jesuse, soc ma ba c'oem ta yo'tanic te bila yalojic te j'alwanejetic yu'un te Diose, te ya yich' alel ta sinagogaetic ta jujun sc'aalelal te cux-o'tane. Jich c'ot ta pasel ta swentaic te la yaq'uic ta lajel te Jesuse.

Hechos 7:42

Jich ijq'uitayotic yu'un te Diose. La yac' te la slajin sbaic ta stojol te eq'uetic xlemlajan ta yolil te ch'ulchane, jich te bit'il ts'ibubil jilel ta sjun te j'alwanejetic yu'un te Diose: “Ja'ex lum Israel, ¿ay bal la amilbonic chambalametic jmajt'anin te cha'winic (40) ja'wil te ayex ta muc'ul jochol taquin q'uinale?