San Lucas 4:16 - Bible in Tzeltal de Oxchuc y Tenejapa

¹⁶ Te Jesús bajt' ta lum Nazaret te banti ch'ie. Ta sc'aalelal cux-o'tan bajt' ta sinagoga, jich te bit'il c'aem ta spasele. La stejc'an sba ta yilel te Sjun Diose.

Nuevo Testamento Tzeltal de Amatenango

¹⁶ Te Jesuse bajt ta jtejklum Nazaret te ba chꞌie. Ta skꞌaalel kuxo-oꞌtan bajt ta sinagoga jich te tutꞌil kꞌayem ta spasele, y la stejkꞌan sba ta yilel te Sjun Diose.

Bible in Tzeltal Bachajón

¹⁶ Tal ta Nazaret te banti muc'ub hahchel. Ta yorahil cux-o'tan och ta sinagoga, hich te bin ut'il c'ahyem ta spasel, soc la stehc'an sba ta yilel hun.

San Lucas 4:16 ပူးပေါင်းရင်းမြစ်များ

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

San Lucas 2:39

Te bit'il la spasiquix ta templo spisil te bila ya yal te mandalil yu'un te Cajwaltique, sujt'ic bael ta Galilea ta bay slumalic, ja' te lum Nazarete.

San Lucas 2:42

Te c'alal ayix lajchayeb ja'wil ya'wilal a te Jesuse, moic bael ta Jerusalén ta spasel q'uin, jich te bit'il c'aemic ta spasel jujun ja'wile.

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Lucas 4:15

La yaiy p'ijubteswanej ta bay sinagogaetic ta juju-jpam lum. Spisilic bin nax yo'tanic yu'un ta bayuc.

San Lucas 4:17

Ac'bot ta sc'ab te sjun Isaías te namey q'uinal j'alwanej yu'un te Diose. Ja' la sjam yil te bay ts'ibubil jilele:

San Lucas 4:21

Jajch' yal te Jesuse: —Ja' in c'aal to, ja' c'otix ta pasel ta atojolic te bi la ts'ibubil jilel ta Sjun Dios —xi'.

San Lucas 4:23

Te Jesús jajch' yalbey yaiyic: —Ay wan jich ya awalic te bit'il ay ta alele: “Te bit'il jpoxtaywanejate, poxtaya aba atuquel”, xaex me. Soc jich ya awalic uuc: “Te bila la apas ta Capernaúm, jich nix me xapas li'to ta bay alumal”, ya niwan awutonic —xi' te Jesuse.

San Juan 18:20

Jesús la yalbey: —Jamal c'opojon ta comonsitil ta stojol spisil te ants-winiquetique, melel la caiy p'ijubteswanej ta sinagogaetic soc ta templo te banti ya stsobilay sbaic spisil te judioetique. Ma'yuc bila muquen la cal.

Hechos 17:2

Te Pablo bajt' ta sinagoga ta sc'aalelal cux-o'tan, jich bit'il te c'aem ta spasele. Jich la spasulay oxeb semana ta sc'aalelal te cux-o'tane. Tey la yaan soc a te bila ts'ibubil ta Sjun te Diose.