San Lucas 3:7 - Bible in Tzeltal de Oxchuc y Tenejapa

⁷ Talic te ants-winiquetic ta stojol te Juane, yu'un c'an yac' sbaic ta ich'ja'. Jich la yalbey yaiyic: —Te ja'exe ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te talelixe?

Nuevo Testamento Tzeltal de Amatenango

⁷ Ay bayal genteetik talik ta stojol te Juane yuꞌun kꞌan skꞌanik ichꞌjaꞌ. Jich a yaltalanbe: —Te jaꞌexe jaꞌ stsꞌumbal kꞌoemex te jtiꞌawal chanetike. ¿Machꞌa kꞌa yalbeyex awaꞌiyik te ya xjuꞌ ya akoltay abaik lokꞌel te ba tulan kastigo te ya xtalixe?

Bible in Tzeltal Bachajón

⁷ Te Juan hich la yalbe te mach'atic tal yac' sbahic ta a'beyel yich'ic ha' yu'un: ¡Sts'umbalex jti'awal chanetic! ¿Mach'a la yalbeyex te ya xloq'uex ta ahnel ta stojol te ilimba te talel yac?

San Lucas 3:7 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Isaías 59:5

Ya sluts'ic ston te chane, soc ya sjal snaic jichuc ametic. Te mach'a ya slo' te ston chane, ya me xlaj yu'un, soc teme ya yich' net'el ston te chane, ya me xloc' milawal chanetic tey a.

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

San Mateo 3:6

Te mach'atic la yalic ta jamal te smulique, jich ac'bot yich'ic ja' ta bay muc'ja' Jordán yu'un te Juane.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

1 Tesalonicenses 1:10

Soc yacalic ta yalel te bit'il yacalex ta smaliyel te ya xloc' tel ta ch'ulchan te Snich'ane. Ja' te Jesús te cha'cux tel ta bay te animaetique, soc te ya scoltayotic loq'uel ta tulan castigo te ya xtale.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.