San Lucas 3:22 - Bible in Tzeltal de Oxchuc y Tenejapa

²² Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

Nuevo Testamento Tzeltal de Amatenango

²² Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

Bible in Tzeltal Bachajón

²² co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Lucas 3:22 ပူးပေါင်းရင်းမြစ်များ

Salmos 2:7

Ya me jpuc ta alel ta bayuc te bila snopoj ta jtojol te Cajwaltique te la yalbonix: “Ja'at jnich'anat; nax to nax la jnich'nantayat.

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

San Mateo 12:18

“Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Mateo 27:43

Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

San Mateo 3:13

Te Jesuse jajch' tel ta bay sq'uinal Galilea. Jul tel ta bay ti'muc'ja' Jordán ta banti ay te Juane. Tal yac' sba ta ich'ja' yu'un.

San Mateo 3:16

C'alal la yich'ix ja' te Jesuse, loc' tel ta ja'. Ora jam te ch'ulchane. La yil coj tel te Espíritu yu'un Dios, jich bit'il stsumut te jul ta stojole.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

San Marcos 1:11

Soc ay mach'a c'opoj tel ta ch'ulchan te jich la yale: —Ja'at Jnich'anat te bayal c'uxat ta co'tane. Bin nax co'tan awu'un —xi'.

San Marcos 1:9

La sta yorail te loc' tel Jesús ta lum Nazaret te ay ta sq'uinal Galilea. Jul ac'botuc yich' ja' yu'un Juan ta muc'ja' Jordán.

San Marcos 9:7

Talic ta axintesel yu'un te tocale. Ay mach'a c'opoj tel ta yolil te tocale: —Ja' in to, ja' te Jnich'an te bayal c'ux ta co'tane. Aiybeya awaiyic stojol sc'op stuquel —xi'.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

San Lucas 4:21

Jajch' yal te Jesuse: —Ja' in c'aal to, ja' c'otix ta pasel ta atojolic te bi la ts'ibubil jilel ta Sjun Dios —xi'.

San Juan 1:32

Soc jich la yalbey xan sc'oplal ta testigo: —La quil te Ch'ul Espíritu te coj tel ta ch'ulchane. Jich yilel te bit'il stsumut jul ainuc ta stojole.

San Juan 12:28

Jich yu'un, Jtat, ac'a me ta ich'el ta muc' te abiile —xi' te Jesuse. Ay mach'a c'opoj tel ta ch'ulchan. Jich la yal: —La cac'atix ta ich'el ta muc' soc ya me cac'at xan ta ich'el ta muc' —xi'.

San Juan 5:37

Soc te Jtat te la sticunon tele, ja' testigo cu'un, manchuc teme xujt' ma'yuc awaiyojbeyic te sc'ope, soc manchuc teme ma'yuc banti awilojic te bi yilele,

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

1 Pedro 2:4

Noptsajanic tel ta stojol te Cajwaltic te ja' cuxul ton stuquel. P'ajbil yu'unic te ants-winiquetique; yan te Diose, tsabil yu'un stuquel, soc bayal sc'oplal ta yo'tan.