San Lucas 3:17 - Bible in Tzeltal de Oxchuc y Tenejapa

¹⁷ Te mach'a ya xtale, stsacojix ta sc'ab te yic'ojibal sulil trigo. Patil ya stsob ochel ta sq'uejibal te sbaq'ue. Yan te sulile ya me xchic' ta c'ajc' te banti ma xtup' sbajt'el q'uinal —xi' te Juane.

Nuevo Testamento Tzeltal de Amatenango

¹⁷ Te machꞌa ya xtale jich kꞌoem te tutꞌil machꞌa xbichoj spala-teꞌ ta skꞌab te ya yikꞌabe lokꞌel skꞌaꞌpalel a te striwue. Patil ya skꞌej ochel ta yawil te sbakꞌe. Yan te skꞌaꞌpalele ya me xchikꞌ ta kꞌajkꞌ te ma xtupꞌ sbajtel kꞌinale —xchi te Juane.

Bible in Tzeltal Bachajón

¹⁷ Stsacojix ta sc'ab te swehluyojibal yu'un ya smesix te sq'uiyojibal yu'une. Ya me stsob te trigo soc ya yotses ta yawil, soc ya me schic'be te sts'ubil ta c'ahc' te mayuc bin ora ya xtup', xchi.

San Lucas 3:17 ပူးပေါင်းရင်းမြစ်များ

Salmos 1:4

Ma jichuc stuquelic te mach'atic amen yo'tanique, jichic me te bit'il sulil trigo te ya xlicotic bael yu'un ic'.

Isaías 30:24

Soc ay lec swe'elic te jelawen sbujts' ya yaiyic te j'at'el-wacaxetic soc te burroetic te ya x'at'ejic ta aq'uinale.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Miqueas 4:12

Yan te nacionetic ma sna'ic te bila snopoj te Diose soc bitic chapal yu'un; ma sna'ic te ya yich'ic tsobel jichuc trigo ta tomoltom te bay ya yich'ic majel.

San Mateo 13:30

Tey ac'a jiluc ta ch'iel soc a, ja' to teme la sta yorail te ya yich' tsobele. Te c'alal ya sta yoraile, ya me calbey te j'at'eletique te ja' neel ac'a stsobic loq'uel tel te cizaña-aque. Ac'a xchuquic ta tomoltom, swenta yu'un ya yich' chiq'uel ta c'ajc'. Yan te trigoe ya me stsobic ochel ta bay snail cu'un”, ya me yut —xi' te Jesuse.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

San Lucas 3:18

Jich la yal ta stojol te lume, soc ay to xan bayal consejo la yalbey ta stojolic ta swenta te lec yach'il c'ope.