San Lucas 3:11 - Bible in Tzeltal de Oxchuc y Tenejapa

¹¹ La yal te Juane: —Te mach'a ay cha'lijc' sc'u' ya sc'an ya yac'bey lijc'uc te mach'a ma'yuc sc'u'e. Ja' nanix jich te mach'a ay swe'ele, ya sc'an ya yac'bey uuc te mach'a ma'yuc swe'ele —xi'.

Nuevo Testamento Tzeltal de Amatenango

¹¹ La sjakꞌ te Juane: —Te machꞌa ay chaꞌlijk skꞌuꞌ-spakꞌe aꞌ yaꞌbe jlijkuk te machꞌa ni maꞌyuk yuꞌune. Jich euk te machꞌa ay tut ya sweꞌe ya skꞌan ya yaꞌbe te machꞌa maꞌyuk yuꞌune —xchi.

Bible in Tzeltal Bachajón

¹¹ La sjac' te Juan: Te mach'a ay cha'pahc snahtil-c'u', a'beya jpahcuc te mach'a mayuc yu'une, soc te mach'a ay swe'el ha nix hich ac'a spas, xchi.

San Lucas 3:11 ပူးပေါင်းရင်းမြစ်များ

Ezequiel 18:7

Ja' te mach'a ma x'uts'inwane, te ya sujt'esbey te mach'a ay sbet yu'un te bila ac'bot ta prendal yu'une. Ya yac'bey swe'el te mach'a ay swi'nale, soc ya yac'bey sc'u' te mach'a ma'yuc sc'u'e.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

San Juan 13:29

Te bit'il ja' ay ta swenta te yawil taq'uin te Judase, jich la scuyic te yu'un ay bila la yac' xan ta manel Jesús te ya xtuun yu'unic ta spasel a te q'uine, o teme ay bila ya yac'beyic xan jtebuc te me'baetique.

Hechos 10:2

Xi'oj te Diose soc jun yo'tan xch'uunej soc spisil te mach'a ay yu'un ta snae. Bayal ya sq'uebanlay staq'uin ta scoltayel te judioetique soc spisil ora ya sc'opon te Diose.

Hechos 10:31

te jich la yalbone: “Cornelio, Dios la yaiybat stojol te bit'il ya ac'opone, soc la sna'atix te bit'il ya aq'ueban ataq'uine.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

1 Timoteo 6:18

Albeya te ac'a yat'elinic spasel spisil te bila lec ta pasele. Ja'uc me sc'ulejalic ya xc'ot te lequil at'eliletic ya spasique. Toyoluc me yo'tanic ac'a yaiyic c'uxtaywanej soc majt'anteswanej.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.

Santiago 2:14

Quermanotac, ¿bi ya xloc' yu'un a te ay mach'a ya yal te ay xch'uunjel yo'tan teme xujt' ma xchicnaj ta swenta te yat'ele? ¿Ya bal xcol yu'un awaiy ta swenta te xch'uunjel yo'tane?

1 Juan 3:17

Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

1 Juan 4:20

Teme ay mach'a ya yal: “C'ux ya caiy ta co'tan te Diose”, teme xie, teme yilayej te yermanoe, yu'un nanix jpas-lot abi. Te mach'a ma c'uxuc ya yaiy ta yo'tan te yermano te ya yilbey site, ¿ja'uc to bal c'ux ya yaiy ta yo'tan te Diose te ma xyilbey sit stuquele?