San Lucas 24:6 - Bible in Tzeltal de Oxchuc y Tenejapa

⁶ Ma ba li' ayix to, melel cha'cuxemix. Juluc me ta awo'tanic te bila la yalbeyex te c'alal ajoinejic to ta Galilea,

Nuevo Testamento Tzeltal de Amatenango

⁶ Ma liꞌiyukix to, yuꞌun chaꞌkuxix bael. Naꞌaik me te tuti yalbeyex te kꞌalal ajoyinejik to ta Galilea ae,

Bible in Tzeltal Bachajón

⁶ Ma ba li' ayix, cha'cuxajix. Na'ahic me te hich la yalbeyex te c'alal ay to ta Galilea a:

San Lucas 24:6 ပူးပေါင်းရင်းမြစ်များ

San Mateo 12:40

Melel te Jonase ain ta xch'ujt' muc'ul ballena-chay oxeb c'aal soc oxeb ajc'ubal. Ja' nanix jich uuc te Nich'anile ya me x'ain ta muquenal oxeb c'aal soc oxeb ajc'ubal.

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Mateo 28:6

Ma ba li' ayix to, melel cha'cuxix jich te bit'il la yale. La', ilawilic te banti la yac'beyic te sbaq'uetale.

San Marcos 16:6

Ja'uc me to, c'oponotic yu'un: —Ma me xiwex. Yacalex ta sleel te Jesús te Nazarete te la yich' milel ta cruz, ja'uc me to, cha'cuxemix. Ma ba li' ayix to. Ilawilic te banti la yac'beyic te sbaq'uetale.

San Marcos 8:31

Te Jesús jajch' yac'bey sna'ic stojol te jnopojeletic yu'un te puersa ya xc'ax bayal swocol: —Te Nich'anile xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetic soc te jts'ibojometique. Ya me x'ac'ot ta lajel yu'unic, soc ya xcha'cux tel ta yoxebal c'aal —xi'.

San Lucas 24:34

Soc ora albot yaiyic: —Melel nix a te cha'cuxemix te Cajwaltique, soc la yilix te Simone —utotic.

San Lucas 24:5

Te antsetique la stinan sbaic coel c'alal ta lum yu'un xiwel. Jich albotic yu'un te winiquetique: —¿Bi yu'un ya aleic ta bay animaetic te mach'a cuxule?

San Lucas 9:22

Soc la yal: —Te Nich'anile puersa ya xc'ax bayal swocol soc xujt' ma'yuc sc'oplal ya xc'ot ta yo'tanic te principaletique soc te jwolwanej-sacerdoteetique soc te jts'ibojometique. Ya me x'ac'ot ta lajel yu'unic, soc ya me xcha'cux tel ta yoxebal c'aal —xi'.

San Lucas 9:44

—Aiya awaiyic stojol ta lec te bila ya calbeyexe: Te Nich'anile ya me x'ochon ta sc'ab te ants-winiquetique —xi'.

Hechos 2:24

Ja'uc me to, Dios la xcha'cuxes tel te la scoltay loq'uel ta bay xc'uxul te lajele, melel te lajele, ma xju' te jc'axel ya yu'unine.

2 Tesalonicenses 2:5

¿Yu'un bal ch'ayemix ta awo'tanic te jich la calbeyex te c'alal joinejexe?