San Lucas 24:5 - Bible in Tzeltal de Oxchuc y Tenejapa

⁵ Te antsetique la stinan sbaic coel c'alal ta lum yu'un xiwel. Jich albotic yu'un te winiquetique: —¿Bi yu'un ya aleic ta bay animaetic te mach'a cuxule?

Nuevo Testamento Tzeltal de Amatenango

⁵ Te antstike la skejan sbaik ta lum yuꞌun xiꞌel. Pero te winketike altalanbot yuꞌun: —¿Tuꞌun ya aleik te ba animaetik te machꞌa kuxulixe?

Bible in Tzeltal Bachajón

⁵ Te bin ut'il tojic xiwel soc te la snijan sbahic ta lum yu'un, hich halbotic: ¿Bin yu'un yac alehic ta yohlil chamen winiquetic te mach'a cuxulixe?

San Lucas 24:5 ပူးပေါင်းရင်းမြစ်များ

Daniel 10:16

Ora nax ay mach'a chicnaj, pajal soc Nich'anil yilel, c'o spicbon te sti'il quee. Jich la calbey te mach'a ay ta jtojole: —Cajwal, te bila la quil la yac'bon bayal jwocol soc la slajinbon quip ya caiy.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

San Lucas 1:29

Te c'alal la yil te ch'ul abat te Mariae, bayal xiw yo'tan yu'un te bila albot yu'une. Bayal la snop ta yo'tan te bi swentailuc te spatjibal yo'tan yu'un te ch'ul abate.

San Lucas 24:4

Bayal xiwic yu'un, ma la sna'ic te bila ya spasique. Ja'uc me to, la yilic ay cheb winiquetic te teq'uelic ta sts'eelique. Xlemet nax te sc'u'-spaq'uique.

San Lucas 24:6

Ma ba li' ayix to, melel cha'cuxemix. Juluc me ta awo'tanic te bila la yalbeyex te c'alal ajoinejic to ta Galilea,

Hechos 2:24

Ja'uc me to, Dios la xcha'cuxes tel te la scoltay loq'uel ta bay xc'uxul te lajele, melel te lajele, ma xju' te jc'axel ya yu'unine.

Hebreos 7:8

Stalel ya xlajic te sacerdoteetic yu'un Leví te ja' ay ta swentaic yich'el jun ta slajunebal sbiluc te slumalique. Ya yal ta Sjun Dios te cuxul to ta q'uinal stuquel te Melquisedeque.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 2:8

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Esmirna: Te mach'a ay ta xjajch'ibale soc te ay ta slajibale, te laje soc te cha'cux tele: