San Lucas 23:4 - Bible in Tzeltal de Oxchuc y Tenejapa

⁴ Te Pilato jich la yalbey te jwolwanej-sacerdoteetic soc spisil te ants-winiquetique: —Ma'yuc smul la jtabey in winic to —xi'.

Nuevo Testamento Tzeltal de Amatenango

⁴ Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

Bible in Tzeltal Bachajón

⁴ Te Pilato la yalbe te principal sacerdotehetic soc te ants-winiquetic: Mayuc smul la jtahbe ha'i winic ini, xchi.

San Lucas 23:4 ပူးပေါင်းရင်းမြစ်များ

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

San Marcos 15:14

La yal te Pilatoe: —¿Bi yu'un? ¿Bila amen spasoj? —xi'. La stoyesic xan te yawique: —¡Mila ta cruz! —xiic ta aw.

San Lucas 23:22

Ta yoxebal buelta la yal te Pilatoe: —¿Bila amen spasoj? Te jo'one ma'yuc bi amen la jtabey te ya x'ac'ot ta lajel yu'une. Ya me cac'bey castigo, patil ya jcoltay bael —xi'.

San Juan 18:38

La yal te Pilatoe: —¿Bila a te melele? —xi'. C'alal laj yo'tan ta yalel in to te Pilatoe, loc' bael ta sc'oponel xan te judioetique. Jich la yalbey yaiyic: —Xujt' ma'yuc smul la jtabey te winique.

Hechos 25:25

Yan te jo'one, ma'yuc bay jtaojbey smul xujt'uc te ya stac' ya xlaj yu'une. Soc te bit'il la sc'anix stuquel te ya yich' chajbanel yu'un te muc' ajwalil Cesare, jich jnopojix te ya jticun bael tey a.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

1 Pedro 1:19

Ja' tojbil acolelic a te xch'ul xch'ich'el te Cristoe te milbil smajt'an Dios c'ot, jich bit'il alal chij te ma'yuc bila boloben soc ts'ilajem ta sbaq'uetale.

1 Pedro 2:22

Ma'yuc la sle smul stuquel te Cristoe soc ma ba lo'laywan ta c'op.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.