San Lucas 23:2 - Bible in Tzeltal de Oxchuc y Tenejapa

² Tey la yalic a te bila smulinej ta sc'opique, jich la yalic: —Ja' in winic to, ya sjajch'es c'op ta spamal te nación cu'untique. Ya scomotic ta stojel te patan yu'un César. Soc ya yal sba te ja' Cristo te muc' ajwalile —xiic.

Nuevo Testamento Tzeltal de Amatenango

² Teꞌ kꞌo slebeyik smul a. La yalik: —Te winik to ya slijkes kꞌop yuꞌun te jlumaltike. Ya yal te ma xjuꞌ ya jtojtik jtojemaltik yuꞌun te mukꞌul rey Cesare. Y ya yal te jaꞌ Cristo te rey stukele —xchiik.

Bible in Tzeltal Bachajón

² Hahch slehbeyic smul, hich la yalic: Chicnaj cu'uncotic te yac sjimbel te nación te winic ini, soc ma xyac' ta a'beyel patanil te César, ha nix ya yal sba te ha Cristo, ha jtuhl ajwalil, xchihic.

San Lucas 23:2 ပူးပေါင်းရင်းမြစ်များ

1 Reyes 18:17

C'alal la yil, jich la yalbey: —¿Ja'at bal te ya awac'bey swocol te Israele? —la yut.

Salmos 35:11

Ya yac' sbaic ta testigo te mach'atic amenique, soc ya sjojc'obonic te bitic ma jna'e.

Salmos 62:4

Ja' nax baem ta awo'tanic sna'el bi ya awut ya awaq'uic yalucon; te bi mero ya amulanic, ja' te lote. Ya awalbonic yutsil jc'oplal ta aweic, pero ya awalbonic bol c'op ta awo'tanic.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Jeremías 38:4

Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

Amós 7:10

Te Amasías, sacerdote ta Betel, la sticunbey ta alel te Jeroboam muc' ajwalil yu'un Israel: “Te Amós yac ta beel ta yolil israeletic, yac ta xchapel sc'op ta scontroinbelat ja'at muc' ajwalil. Te lume ma xcujch' yu'un te sc'ope.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

San Mateo 17:27

Ja'uc me to, swenta yu'un ma me mach'a amen yo'tan ya xc'ot yu'un, baan ta ti'mar. Ch'oja ochel te anzuelo. Nita loq'uel te chay te neel ya stsacbate. Jachbeya ye. Tey me ya ata a te jun estatero-taq'uin te ya awac'bon te cu'une soc uuc te awu'une. Ich'a bael. Baan, ac'a jilel —xi' te Jesuse.

San Mateo 22:21

La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

San Mateo 27:11

Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Marcos 12:17

Te Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse. Bayal ayan yo'tanic yu'un te bila la yale.

San Marcos 15:2

Te Pilato la sjojc'obey yaiy te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Jich te bit'il la awale —xi'.

San Lucas 23:14

Jich la yalbey yaiyic: —Ja'ex la atejc'anbonic ta jtojol in winic to. La awalbonic te bit'il yac ta sboltesel ta ac'opic te lume. Ja'uc me to, la quich'beyix sc'op ta atojolic soc la awiliquix te bit'il ma'yuc smul la jtabey, manchuc teme bayal smul la alebeyique.

San Lucas 23:5

Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.

San Juan 18:29

Jich te Pilato loc' tel ta sc'oponel, jich la yal: —¿Bila smulinej awu'unic in winic to? —xi'.

San Juan 18:30

La yalic: —Te manchuc amenuc te yat'ele, ma ba la cac'tic ta ac'ab te jichuque —xiic.

San Juan 19:12

Te Pilato tey jajch' snop te bi ya yut ya scoltay baele. Yan te judioetique la yalic ta aw: —Teme ya acoltay baele, yu'un nanix ma junuc awo'tan ta stojol a te César. Melel te mach'a ya scuy sba ta muc' ajwalile, ja' scontroinej te Césare —xiic ta aw.

Hechos 24:13

In winiquetic to ma staic te bila ya yac' ta ilel te ay bila amen jpasoje.

Hechos 24:5

Yu'un in winic to, chican ta jamal te mero jbolteswaneje. Ja' yac ta xjajch'esel c'op ta bayuc te banti pujq'uemic te judioetique, soc ja' jolol yu'un te mach'atic jowejemic te st'unojic Jesús te Nazarete,

Romanos 13:7

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.