San Lucas 22:8 - Bible in Tzeltal de Oxchuc y Tenejapa

⁸ Jich te Jesús la sticun bael te Pedro soc te Juane. Jich la yalbey: —Baan chajbanbotic te we'elil swenta q'uin Pascua —xi'.

Nuevo Testamento Tzeltal de Amatenango

⁸ Te Jesuse la stikon bael te jPedroe sok te Juane. La yalbe: —Baanik, ban chapaik te weꞌelil yuꞌun te kꞌin Pascuae —xchi.

Bible in Tzeltal Bachajón

⁸ Te Jesús la sticon bahel te Pedro soc Juan, hich la yalbe: Bahan, chahpanahic te Pascua yu'un ya jwe'tic, xchi.

San Lucas 22:8 ပူးပေါင်းရင်းမြစ်များ

San Mateo 3:15

La yal te Jesuse: —Ac'a yich' pasel, melel ya sc'an ya jc'otestic ta pasel spisil te bila ya sc'an yo'tan te Diose —xi'. Jich la yac'bey yich' ja' te Juane.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Lucas 22:9

La sjojc'obeyic: —¿Banti ya ac'an ya jchajbantic? —xiic.

Hechos 3:1

Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.

Hechos 3:11

Te coxo-winic te colemixe, jc'axel lac'al ta stojol te Pedro te Juane. Spisil te lume animal talic ta bay te Scorredor Salomón sbiile. Bayal ayan yo'tanic ta c'axem to xan yu'un.

Hechos 3:3

Te coxo-winic la yil te Pedro te Juane te c'alal yacalic ochel bael ta temploe. Jich jajch' yal wocol te yacuc x'ac'bot smajt'an taq'uin.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Hechos 4:19

Te Pedro te Juane jich la yalbeyic te tsobleje: —Te ja'exe nopa awaiyic teme lec ta stojol Dios te ja' ya jch'uuntic te bila ya awalique, o ja' ya jch'uuntic te bila ya yal te Diose.

Hechos 8:14

C'alal la yaiyic stojol te jpuc-c'opetic ta lum Jerusalén te bit'il la xch'uuniquix sc'op Dios te samariaetique, la sticunic bael tey a te Pedro soc te Juane.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.