San Lucas 22:52 - Bible in Tzeltal de Oxchuc y Tenejapa

⁵² Soc la sc'opon te mach'atic talemic ta jtsacawaneje, ja' bi ja' te jwolwanej-sacerdoteetic, soc te jwolwanejetic yu'un te jcanan-temploe soc te principaletique. Jich la yal: —¿Yu'un bal j'elec'on te tal atsaconic soc apuñalic soc ate'ic?

Nuevo Testamento Tzeltal de Amatenango

⁵² Te nax a la yalbe te stataletik yuꞌun te saserdoteetike y sok te statal polesiaetik yuꞌun te jkanan-temploe sok te moletik te talemik ta stsakel bale, jich a yal: —¿Meꞌn jꞌelekꞌon te tal atsakikon bale sok ateꞌik sok apuñalik?

Bible in Tzeltal Bachajón

⁵² Te Jesús la yalbe te principal sacerdotehetic, te jtsobawetic yu'un te jcanan-templo, soc te mamaletic te talemic ta tsacaw: ¿Yu'un bal j'elec'on te chapalex ta espada soc ta te' te tal atsaconique?

San Lucas 22:52 ပူးပေါင်းရင်းမြစ်များ

2 Reyes 11:15

Pero te sacerdote Joiada, jich la yalbey mandal te capitanetic: —Loq'uesaic bael ta jtojoltic te antse. Te mach'a ya st'un baele, milaic me ta puñal —xi'. Te bit'il la yal te sacerdote te ma ba ya smilic ta templo yu'un te Cajwaltique,

San Mateo 26:47

Yac to ta c'op a te Jesús te tal te Judase, te jtul ta slajchaytulul te jnopojeletic yu'un te Jesuse. Sjoinej tel tsobol ta jtul te yich'ojic tel spuñalic soc ste'ic. Ja' ticunbilic tel yu'un te jwolwanej-sacerdoteetic soc te principaletic yu'un te lume.

San Mateo 26:55

Jich la sc'opon te mach'atic te talemic ta tsacawe: —¿Yu'un bal j'elec'on te tal atsaconic soc apuñalic soc ate'ic? Melel jujun c'aal nacalon ta p'ijubteswanej ta templo ta awolilic te jo'one. Ma la atsaconic tey a.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Lucas 22:4

Ba sc'opon te jwolwanej-sacerdoteetic soc te jwolwanejetic yu'un te jcanan-temploe, ba yalbey yaiyic te bit'il ya xju' ya yac'bey ta sc'abic te Jesuse.

San Lucas 22:51

Jich la yal te Jesuse: —¡Coma aba! ¡Tiq'uix a! —la yut. Soc la spicbey xchiquin te abate, jich lecub.

San Lucas 22:53

Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

Hechos 5:26

Jich yu'un te jwolwanej-canan-templo bajt' ta ora soc te policiaetic yu'une. Sbelal la yiq'uic tel te jpuc-c'opetique, yu'un la xi'ic teme ay bit'il ya xch'ojotic ta ton yu'un te lume.