San Lucas 22:16 - Bible in Tzeltal de Oxchuc y Tenejapa

¹⁶ Ya calbeyex, te ma ba ya jwe' xan ta yan buelta, ja' to c'alal ya xc'ot ta pasel ta ba ay ta ajwalinel te Diose —xi' te Jesuse.

Nuevo Testamento Tzeltal de Amatenango

¹⁶ Porke ya kalbeyex te makꞌ ya jweꞌix aye jaꞌ to teme kꞌo sta yorail te ba ay ta mantal te Diose —xchi te Jesuse.

Bible in Tzeltal Bachajón

¹⁶ yu'un ya calbeyex te ma ba ya jwe'ix ha to c'alal ts'acal ya xc'oht ta pasel tey ta banti ay te cuentahinel yu'un Dios, xchi.

San Lucas 22:16 ပူးပေါင်းရင်းမြစ်များ

San Lucas 12:37

Bin nax me yutsil te abatetic te wiq'uil sitic ya xjul taotuc yu'un te yajwalique. Jamal ya calbeyex, te yajwalique ya me xchuc xch'ujt' te ya yac' sba ta abatinel yu'unique. Ya yic' tel ta smesa, soc ya yac'bey swe'elic.

San Lucas 14:15

Ay jtul winic te pajal nacal ta mesa soc te Jesuse te c'alal la yaiy stojol te bila la yale, jich la yal: —Bin nax me yutsil te mach'a ya x'ic'ot ta we'el ta banti ay ta ajwalinel te Diose —xi'.

San Lucas 22:15

Jich la yal te Jesuse: —Ayix c'aal te bayal sc'anoj co'tan te ya joinex ta we'el swenta in q'uin Pascua to te ma to xc'ax jwocole.

San Lucas 22:18

Ya calbeyex, ta ora bael to ma ba ya cuch'ix te ya'lel ts'usube, ja' to teme tal ta ajwalinel te Diose —xi'.

San Lucas 22:30

Jich me ya xwe'ex soc ya x'uch'ajex ta jmesa te c'alal ayonix ta ajwalinel te jo'one. Ya me xnajc'ajex ta bay muc'ul nactijibaletic ta chajbanwanej ta stojol te lajchaychajp israeletique.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Hechos 10:41

Ma spisiluc te jlumal te ac'bot yilique, jo'on nax soc te jo'taque, te namey tsabilotic yu'un Dios te ja' testigo ya xc'ootic yu'une. La join jbatic soc ta we'el-uch'ajel te c'alal cha'cuxix tel ta bay te animaetique.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.