San Lucas 21:8 - Bible in Tzeltal de Oxchuc y Tenejapa

⁸ La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

Nuevo Testamento Tzeltal de Amatenango

⁸ Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

Bible in Tzeltal Bachajón

⁸ Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

San Lucas 21:8 ပူးပေါင်းရင်းမြစ်များ

Jeremías 29:8

Jo'on Ajwalilon te Spisil ya xju' cu'une, te Dioson yu'un Israel, ya jultesbeyex awo'tanic: Ma me xawac' abaic ta lo'layel yu'un te lotil j'alwanejetic soc te mach'atic ay bila ya sna'ic yalel te ayic ta awolilique; ma x'awich'beyic ta muc' te ay swaichique.

San Mateo 24:11

Soc ya me xchicnaj tsobol lotil j'alwanejetic. Jich me tsobol ta jtul ya xlajic ta lo'layel yu'un.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Mateo 4:17

Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

San Lucas 17:23

Ay me mach'atic ya yalbeyex: “La' ilawil, li' ay to” soc: “Conic, quiltic, lum ay to”, ya me yutex, ja'uc me to, ma me xbaex soc ma me x'ats'aclinic bael.

San Lucas 21:7

Jich la sjojc'obeyic: —Maestro, ¿bi ora ya xc'ot ta pasel te bila la awale? ¿Bi señail ya xchicnaj te c'alal tey ya xc'otix ta pasele? —xiic.

San Lucas 21:9

Teme ya awaiyic stojol te jajch'emix bayal c'op soc guerra, ma me xnijc' awo'tanic yu'un. Melel puersa me neel ya xc'ot ta pasel, ja'uc me to, ma to ja'uc te slajibal c'aale —xi' te Jesuse.

San Juan 5:43

Te jo'one talemon ta swenta te Jtate, ja'uc me to, ma'yuc jc'oplal ta awo'tanic. Yan teme ay yan mach'a ya xtal ta stuquel-o'tane, ja' bayal sc'oplal ta awo'tanic stuquel.

San Juan 8:24

Ja' swentail te la calbeyex te acuchoj amul ya xlajexe. Teme ma x'ac'an ach'uunic te jtalel ayone, acuchoj amulic ya xlajex —xi'.

San Juan 8:28

Ja' swentail te jich caj yalbey yaiyique: —Te c'alal ya ajijp'anic te Nich'anile, tey me ya ana'ic stojol te mach'aon a te jo'one. Soc ya me ana'ic te ma jtuquel-o'tanuc nax te bila ya jpase. Ja' nax ya cal stuquel te bila yac'ojbon jnop te Jtate.

1 Corintios 6:9

¿Yu'un bal ma x'ana'ic stojol te mach'atic ma tojuc yo'tanic ma xju' ya yajwalinic te Diose? Ma me slo'layex te awo'tanique, melel ma xju' ya xc'otic tey a te mach'atic ya xyalic ta mulile, te mach'atic ya xch'uunic loc'ombaetique, te mach'atic ya yaiyic mulweje, te mach'atic sc'atp'unej sbaic ta antse, te mach'atic sjoy sbaic ta winiquil te ay bi ya spasbey sbaic ta sbaq'uetalique, te j'eleq'uetique, te mach'atic biq'uit nax yo'tanic yu'un stsobel te sc'ulejale, te jyacubeletique, te j'ixta-c'opetique soc te mach'atic jlo'layej-taq'uinetique. Spisil in to, ma xju' ya xc'o ainuquic tey a ta banti ay ta ajwalinel te Diose.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

2 Tesalonicenses 2:3

Ma me ayuc mach'a ya awac' abaic ta lo'layel yu'un. Ma to xcha'tal te Cajwaltique. Ja' neel ya xc'ot ta pasel te ay tsobol ya xch'ay ta jc'axel te xch'uunjel yo'tanique, soc ya xchicnaj uuc te mach'a mero jmulawil winique te yu'un te ch'ayele.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

2 Juan 1:7

Yu'un ay tsobol jlo'laywanejetic te yacalic ta beel ta spamal te balumilale, ya yalic te ma la yich' sbaq'uetal te Jesucristo te xtaluque. Te mach'a jich ya yale ja' me jlo'laywanej abi, soc ja' me te anticristo abi.

Apocalipsis 1:3

Bin nax me yutsil te mach'a ya sc'opon in jun to, soc te mach'a ya yaiybey stojol te sc'op te j'alwaneje, soc te ya yac' ta yo'tan te bila ts'ibubile, te melel nopol te ya xc'otix ta pasel.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.