San Lucas 2:4 - Bible in Tzeltal de Oxchuc y Tenejapa

⁴ Jich te José loc' tel ta lum Nazaret ta bay sq'uinal Galilea. Bajt' ta lum Belén te ay ta sq'uinal Judea. Yu'un ja' slumal te namey q'uinal muc' ajwalil David, soc ja' sts'umbal David te Joseje.

Nuevo Testamento Tzeltal de Amatenango

⁴ Jich te Josee lokꞌ bael ta jtejklum Nazaret te ay ta estado yuꞌun Galilea. Bajt ta Belen ta estado Judea, yuꞌun jaꞌ slumal te antibo rey David, sok jaꞌ stsꞌumbal jDavid te Josee.

Bible in Tzeltal Bachajón

⁴ Hich te José loc' hahchel ta Nazaret ta sq'uinal Galilea, mo bahel ta Judea, ta pueblo yu'un David, te Belén sbihil, como ha sts'umbal soc ha patil al-nich'anil yu'un David.

San Lucas 2:4 ပူးပေါင်းရင်းမြစ်များ

Génesis 35:19

Jich laj te Raquel. La smuquic ta bay sbelal Efrata, ja' te Belén.

Génesis 48:7

Melel te c'alal loc'on tel ta Padan-aram, laj ta be ta sq'uinal Canaán te Raquel, ja' te ame'e, nopol sc'an jtaix bael a te Efrata. Jich yu'un la jmuc jilel ta sbelal Efrata, te Belén sbiil ta ora to —xi' te Jacob.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

San Mateo 1:20

Te c'alal jich snopojix a te jich c'an spase, ta swaich chicnaj la yil jtul ch'ul abat yu'un te Cajwaltique. Jich albot yu'un: —José, te sts'umbalat Davide, ma x'axi' te ya awic' awinamin te Mariae, melel te bit'il ay yale, ja' ta swenta te Ch'ul Espiritue.

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

San Lucas 2:3

Spisil ants-winiquetic puersa ba yac' ta najc'anel sbiilic juju-jtul ta bay te slumalique.

San Lucas 2:5

Tey ba yac' ta najc'anel sbiil soc a te María, te macbilix yu'une, soc te yic'ojix alal ta xch'ujt'e.

San Lucas 4:16

Te Jesús bajt' ta lum Nazaret te banti ch'ie. Ta sc'aalelal cux-o'tan bajt' ta sinagoga, jich te bit'il c'aem ta spasele. La stejc'an sba ta yilel te Sjun Diose.

San Juan 1:46

Te Natanaele jich la yal: —¿Yu'un bal ay bila lec ya xloc' tel ta Nazaret? —xi'. Jich la yal te Felipee: —Ya xba quiltic awil jiche —la yut.

San Juan 7:42

Melel ts'ibubil ta Sjun Dios te ja' sts'umbal muc' ajwalil David te Cristoe soc ta lum Belén ya xtal te ja' slumal te Davide —xiic yu'un.

Rut 1:19

Jich jajch'ic ta beel xchebalic, c'otic c'alal ta Belén. C'alal c'otiquix ta Belén, bayal c'opoj yo'tanic te lume. Ay antsetic la yalbey sbaic: —¿Ma bal ja'uc Noemí? —xiic yu'un.

Rut 2:4

Te Booz jich nix yorail loc' tel ta Belén, tal yil te cebadail. La spatbey yo'tanic te abatetic yu'une: —Ac'a sjoinex te Cajwaltique —xi' ta spatbeyel yo'tanic. La sjaq'uic: —Ac'a yac'bat bendición te Cajwaltique —xiic ta spisilic.

Rut 4:11

Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Rut 4:17

C'alal la yil te spat-xujq'ue, jich la yalic: —¡Ayinix alal yu'un te Noemí! —xiic. La slebeyic sbiil, Obed c'ot yu'unic. Ta patil ja' stat te Isaí, soc ja' smam te David.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 16:4

Jich la spas te Samuel te bit'il albot yu'un te Cajwaltique. C'alal c'ot ta Belén te Samuele, te mamaletic yich'oj yat'elic yu'un te lum, yacalic ta nijq'uel yu'un xiwel ta yo'tanic a loq'uic ta yilel. Jich la yalbeyic: —¿Swenta bal lamal-o'tanil te talate? —la yutic.

1 Samuel 17:12

Ay jtul winic ta Belén, Isaí sbiil, mero mamalix a te c'alal ay ta ajwalil te Saule. Te winique ay waxactul snich'nab, David sbiil te jtule.

1 Samuel 17:58

La sjojc'obey te Saúl: —Albon caiy, querem, ¿mach'a snich'anat? —xi'. La sjac' te David: —Snich'anon Isaí ta Belén, te abatotic awu'une —xi'.

1 Samuel 20:6

Teme la sna'on te atate, albeya te la jc'anbat permiso yu'un ya xboon tel ta jlumal ta ora nax ta Belén, scaj te ya yac'beyic milbil smajt'an Dios swenta jujun ja'wil te mach'atic ay cu'une.