San Lucas 2:36 - Bible in Tzeltal de Oxchuc y Tenejapa

³⁶ Soc ay jtul antsil-alwanej yu'un Dios tey a, Ana sbiil. Ja' yantsil-nich'an te Fanuele te sts'umbal Asere. Me'elix ta jyalel. Nujbin c'alal ach'ix to a, ja'uc me to, ja' nax juqueb ja'wil cuxin soc te smamlale.

Nuevo Testamento Tzeltal de Amatenango

³⁶ Sok ay jtul ants teꞌa te xꞌAna sbiile te jꞌalwanej yuꞌun te Diose. Jaꞌ yantsil-nichꞌan te Fanuele te stsꞌumbal Asere. Lom meꞌelix. Te kꞌalal bikꞌit to ae nujpun, pero ma jalaj sok te smamlale. Yal jukeb jaꞌbil a kuxuyin sok.

Bible in Tzeltal Bachajón

³⁶ Soc tey ay jtuhl jalwanej-ants, Ana sbihil, yantsil-nich'an Fanuel, yu'un te jchahp yu'un Aser; mero me'elix a. Huqueb ha'bil ay smamalal te c'alal ich'ot ta yach'ixlel,

San Lucas 2:36 ပူးပေါင်းရင်းမြစ်များ

Génesis 30:13

La yal te Lea: “Bin nax yutsil q'uinal ya caiy yu'un, lec me ya xc'ot jc'oplal yu'un spisil te antsetique, jich yu'un Aser sbiil ya xc'ot cu'un”, xi'.

2 Reyes 22:14

Te Hilcías, Ahicam, Acbor, Safán soc Asaías, ba yilic te antsil-j'alwanej te Hulda sbiil, te yinam Salum te snich'an Ticva, smam Harhas, te swentainej te sq'uejibal c'u'il ta templo. Te Hulda nainem ta Xchebal Barrio yu'un Jerusalén. C'alal la sc'oponic,

Job 5:26

Ay to awip a te c'alal ya xmamalubat, jichat me te bit'il jtom trigo te staoj syijil ta leque.

Salmos 92:14

Ya to sitin c'oem teme mamalix ae; puersa tulanic ta jyalel soc stalel yaxic.

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

Ezequiel 13:17

Te Cajwaltic la yalbon: —Yo'tic, winic, albeya sc'oplal te antsetic ta alumal, ja' te antsetic te ya xc'opojic ta jwenta ta sc'opic, te ma meleluque. Ja'ic nix ya xc'opojic ta stuquel-o'tanic.

San Lucas 2:35

Tey me ya xchicnaj a te bila ay ta yo'tanic ta juju-jtule. In te ja'ate ya me xc'ax awocol ta mel-o'tan yu'un. Jich me xc'uxul ya awaiy te bit'il lowel ta puñale —xi' te Simeone.

San Lucas 2:38

Te c'alal yac ta c'op a te Simeone, tal uuc te Anae. La yalbey wocol Dios yu'un te alal Jesús, soc la yalbey sc'oplal ta stojol spisil te mach'atic yacalic ta smaliyel te bit'il ya yich' coltayel ta libre te lum Jerusalene.

Hechos 2:18

C'alal ya sta yoraile, ya me jmal te Espíritu cu'un ta stojol te abatetic cu'une, chican teme ants o teme winique, ya me yalic te sc'op Dios ta jwenta.

Hechos 21:9

Te Felipe ay chantul yantsil-nich'nab te ma ba nujbinemic te ya yaiyic j'alwanej yu'un te Diose.

1 Corintios 11:5

Spisil antsetic teme ma ba smucoj sjolic te c'alal ya sc'oponic Dios soc te c'alal ya yalic te sc'op Diose, ja' ya yac' ta q'uexlal a te jolol yu'une. Ja' pajal c'oem soc te jc'axeluc ya yich' joxel loq'uel te stsotsil sjole.

1 Corintios 12:1

Quermanotac, ya jc'an ya ana'ic stojol te bit'il ay sc'oplal te majt'aniletic ta swenta te Espiritue.

1 Timoteo 3:2

Jich yu'un te mach'a ya yich' yat'el ta jwentainwanej, ya sc'an te mero lec sc'oplal, soc te jtul nax ants nujbinem ta q'uinal soque, te ya sna' stsajtayel te yo'tane, te ma xjelaw ta c'ope, te lec yat'ele, te ay yutsil yo'tan ya xnajc'anwane, soc te ay sp'ijil yo'tan ta p'ijubteswaneje.

1 Timoteo 5:9

Ta bay te lista yu'un te me'ba antsetique, ja' nax me xanajc'anbey sbiil te mach'a c'axemix ta oxwinic ja'wil ya'wilale, soc te jun yo'tan ain soc te anima smamlale.

Josué 19:24

Te yo'ebal buelta te la yich' puquel te q'uinale la yich' pasel snumeroil ta na'el, ja' c'ot ta swenta te jayeb ta jchajp sts'umbal Aser.

Apocalipsis 7:6

soc ay lajuneb xcha'winic ta jbajc' (12,000) ta jtul te sts'umbal Aser, soc ay lajuneb xcha'winic ta jbajc' (12,000) ta jtul te sts'umbal Neftalí, soc ay lajuneb xcha'winic ta jbajc' (12,000) ta jtul te sts'umbal Manasés,

Jueces 4:4

Ja' te bi ora ay ta wentainel te israeletic yu'un jtul antsil-j'alwanej, Débora sbiil, yinam Lapidot.

1 Samuel 1:2

Te Elcana cheb yinam, Ana sbiil te jtule, te yane Penina sbiil. Te Penina ay yalatac, yan te Ana ma'yuc yal stuquel.