San Lucas 2:25 - Bible in Tzeltal de Oxchuc y Tenejapa

²⁵ Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

Nuevo Testamento Tzeltal de Amatenango

²⁵ Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

Bible in Tzeltal Bachajón

²⁵ Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

San Lucas 2:25 ပူးပေါင်းရင်းမြစ်များ

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Job 1:8

Jich albot yu'un te Cajwaltic: —¿La bal awilbon te cabat Job? Ma'yuc mach'a yan jich pajal soc ta balumilal te mero jun yo'tan yac'oj sba ta abatinel ta jtojole, soc te mero toj yo'tan cuxul ta q'uinale. Ma'yuc bila amen spasoj, soc stsajtayej sba te ma'yuc mach'a ya yuts'in ta q'uinal stuquele —xi'.

Isaías 25:9

Te bi c'aalil ya xc'ot ta pasele, jich me ya yalic: “Ja' Dios cu'untic, ja' la smuc'ulin co'tantic melel ja' ya scoltayotic stuquel. Binuc nax me co'tantic, bujts'najuc me co'tantic, melel ja' la scoltayotic stuquel”, xiic me.

Isaías 40:1

Te Dios awu'unic ya yal: —Muc'tesbonic, muc'tesbonic q'uinal yaiy te lum cu'une;

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

Números 11:25

Jich yu'un te Cajwaltic coj tel ta tocal, c'opoj soc Moisés. Ora la sloq'uesbey olil te espíritu te ay ta yo'tan te Moisés, la yac'bey te lajuneb xchanwinic (70) mamaletique. Te espíritu ain ta yo'tanic, jajch'ic ta c'op jichuc j'alwanejetic. Ma'yuquix bay la xcha'pas ta yan buelta.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

San Marcos 15:43

Ay jtul winic José sbiil te talem ta ch'in lum Arimatea te yich'oj yat'el ta Muc'ul Tsobleje. Ich'bil ta muc' te José, soc yac ta smaliyel te bit'il ay ta ajwalinel te Diose. Ja' ba sc'opon te Pilatoe. Ma ba xiw ta stojol te ya sc'anbey sbaq'uetal te Jesuse.

San Lucas 1:41

C'alal patbot yo'tan te Elisabete, la stij sba te alal te ay ta xch'ujt'e soc noj ta yo'tan te Ch'ul Espiritue.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Lucas 1:67

Te Zacariase, te stat te alale, noj ta yo'tan te Ch'ul Espiritue. Jajch' ta yalel te sc'op Diose:

San Lucas 2:38

Te c'alal yac ta c'op a te Simeone, tal uuc te Anae. La yalbey wocol Dios yu'un te alal Jesús, soc la yalbey sc'oplal ta stojol spisil te mach'atic yacalic ta smaliyel te bit'il ya yich' coltayel ta libre te lum Jerusalene.

San Lucas 23:51

Ja'uc me to, ma la yac' sba a te bi la snopic soc te bi la spasique, soc yac ta smaliyel te ya xjajch' ta ajwalinel te Diose.

Hechos 10:2

Xi'oj te Diose soc jun yo'tan xch'uunej soc spisil te mach'a ay yu'un ta snae. Bayal ya sq'uebanlay staq'uin ta scoltayel te judioetique soc spisil ora ya sc'opon te Diose.

Hechos 10:22

La yalic: —Ja' la sticunotic tel te Cornelio te centurión cu'untique te toj ta winiquile, soc te xi'oj te Diose, soc te lec sc'oplal yu'un spisil te judioetique. Ja' albot mandal yu'un te ch'ul abat te ya sticunat ta iq'uel te ya xbaat ta snae, swenta yu'un ya yaiy stojol te bila ya awalbeye —xiic.

Hechos 2:5

Ay judioetic te nainemic ta Jerusalén te jun yo'tanic xch'uunejic te Diose te talemic ta bay yantic nacionetic ta spamal balumilal.

Hechos 24:16

Ja' swentail te spisil ora ya jtsajtay jba ta stojol Dios soc ta stojol ants-winiquetic, swenta yu'un ma me jta jmul ta stojolic.

Deuteronomio 18:15

“Te Cajwaltic ya me yac' chicnajuc loq'uel ta awolilic jtul j'alwanej jich te bit'il jo'one. Ya me sc'an te ya ach'uunbeyic te sc'ope.

2 Pedro 1:21

te melel ma sc'anjeluc nax yo'tanic te c'opojic te namey q'uinal j'alwanejetique. Melel ja' ac'bot sna' ta yo'tanic yu'un te Ch'ul Espíritu te c'opojique, te melel u'uninbilic yu'un Dios te winiquetique.