San Lucas 2:10 - Bible in Tzeltal de Oxchuc y Tenejapa

¹⁰ Te ch'ul abate, jich la yal: —Ma xiwex, aiya me awaiyic stojol te lec yach'il c'op ya calbeyexe. Bayal me ya xbujts'naj awo'tanic yu'un soc spisil te lume.

Nuevo Testamento Tzeltal de Amatenango

¹⁰ Pero altalanbot yuꞌun te chꞌul ángele: —Ma me xiꞌanik, porke ay me tut kichꞌojbeyex tal te ben tsaꞌam ya kalbeyexe. Ben me sniꞌ xꞌawaꞌiyik yuꞌun ta apisilik.

Bible in Tzeltal Bachajón

¹⁰ Pero halbotic yu'un te ch'ul a'bat: Ma xiwex, ya calbeyex awa'iyic bin yach'il c'ohem ta pasel te bayel yutsil-o'tanil yu'un, te ha yu'un spisil ants-winiquetic:

San Lucas 2:10 ပူးပေါင်းရင်းမြစ်များ

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Isaías 40:9

Moan, yajwal Sión, ta bay mero stoylejal te witse, tulan xawal loq'uel tey a te ac'ope, swenta yu'un ya apuc bael ta alel te lequil c'ope. Yajwal Jerusalén, ma me xiwat ta yalel loq'uel te ac'ope, pucbeya ta stojolic te lumetic ta sq'uinal Judá: “Li' ay te Dios awu'unic te ja'exe”, xaex me.

Isaías 41:27

Jo'on la calbey sc'oplal ta stojol Sión c'alal ta xjajch'ibal; soc jo'on la jticun bael ta Jerusalén jtul j'alwanej, swenta yu'un ya xba yalbey te lum te nopolix ya sujt' tel te yajwale.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Isaías 52:7

Bin nax yutsil te mach'a ya xjul ta witstiquil, te mach'a ya yich' tel te lequil c'ope, te mach'a ya yalbey sc'oplal te lamal q'uinale, te mach'a ya yalbey sc'oplal te ainel ta libre. Jich ya yalbey te Sión: —Te Dios awu'une muc' Ajwalil stuquel —xi' me ta aw.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Daniel 10:19

Jich la yalbon: —Ma me xiwat, soc ma jc'axeluc tey ya xbajt' awo'tan a. C'uxat ta yo'tan te Diose. Ac'a xan puersa, ayuc me yip awo'tan —xi'. Te c'alal yac sc'oponbelon ae, yac yich'bel jajch'el yip jbaq'uetal, jich la calbey: —Cajwal, c'oponawon, melel la acha'ac'bonix xan quip ya caiy —xoon.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

San Mateo 14:27

Te Jesús la sc'opon ta ora: —Ac'a stulanil awo'tanic. Jo'on me. Ma me xiwex —xi'.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Mateo 28:5

Te ch'ul abate la yalbey te antsetique: —Ma me xiwex. Ya jna' te ja' ya aleic te Jesús te la yich' milel ta cruz.

San Marcos 1:15

Jich la yal: —C'otix yorail te bit'il ay ta ajwalinel te Diose. Jich yu'un sujt'esa awo'tanic ta stojol te Diose. Ch'uunaic me te lec yach'il c'ope —xi' te Jesuse.

San Marcos 16:15

Jich albotic yu'un: —Baanic ta bayuc ta spamal balumilal. Cholbeya te lec yach'il c'op spisil te muc' biq'uite.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Lucas 1:19

La yal te ch'ul abate: —Jo'on Gabrielon te ayon ta abatinel yu'un te Diose. La sticunon tel ta atojol, yu'un tal calbat awaiy in lec yach'il c'op to.

San Lucas 1:30

Albot xan yu'un: —María, ma me xiwat, melel awich'ojix c'uxtayel yu'un te Diose.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Lucas 8:1

Patil been Jesús ta lumlumtic soc ta ch'in lumetic. Bayuc la xchol te lec yach'il c'op yu'un te ya xjajch'ix ta ajwalinel te Diose. Sjoinej ta beel te lajchaytul puc-c'opetic yu'une.

Hechos 13:32

“Jich te jo'otique, ja' ya calbeyex awaiyic te lec yach'il c'ope, melel c'otix ta pasel yu'un Dios te bila la yalbey te antiguo jme'-jtatique.

Romanos 10:15

¿Soc mach'a c'an xcholic teme ma'yuc mach'a ticunbile? Jich bit'il ts'ibubil ta Sjun te Diose: “Jelawen yutsil te mach'atic ya xbeenic ta yalel te lec yach'il c'ope”, te xie.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.