San Lucas 19:8 - Bible in Tzeltal de Oxchuc y Tenejapa

⁸ Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

Nuevo Testamento Tzeltal de Amatenango

⁸ Te Zaqueoe tejkꞌaj jajchel. Jich a yalbe te Kajwaltike: —Ilawil, Kajwal, ya me jkꞌebenbey oliluk te stutik kuꞌun te meꞌbaꞌetike. Sok teme ay machꞌa kelkꞌanojbe stutik yuꞌune, ya me jsujtesbe chanmel ta mas sjelol te tut kelkꞌanojbeye —xchi.

Bible in Tzeltal Bachajón

⁸ Tehc'aj te Zaqueo, la yalbe te Jesús: Ilawil, Cajwal, ya jq'uebembe pobrehetic ohliluc te jbiluque; soc teme ay mach'a jlo'loybeyej staq'uin, chaneb buelta sjol ya jsutbe, xchi.

San Lucas 19:8 ပူးပေါင်းရင်းမြစ်များ

2 Samuel 12:6

Soc ya me stoj chaneb buelta te bit'il stojol te sme' xchije, melel mero amen bi la spas te bit'il ma ba la sna'bey yo'bolil sba —xi'.

Números 5:7

Ya me sc'an ya yal ta jamal te bila la spasbey, soc ya me yac'bey sjelol soc xan jun ta yo'ebal te bit'il stojole.

Proverbios 6:31

Pero teme yac ta elec' a te ya xtaote, ya me sujt'es juqueb buelta te bila la yelc'ane, asta spisil ya yac' te bitic jayeb ay yu'une.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 16:9

“Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

1 Samuel 12:3

Yo'tic li' ayon ta atojolic. Teme ay mach'a la jpojbey swacax o sburro, teme ay mach'a ay swocol cu'un, teme ay mach'a la jtojol-lebey smul, teme ay ma tojuc la jchajban ta swenta sbic'tal co'tan yu'un taq'uin, ya xju' ya awalbonic jmul ta stojol te Cajwaltic soc ta stojol te muc' ajwalil te ja' nix stsaoje. Ya me jtojbey te mach'a ay jbet yu'une —xi'.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 7:13

Te Cajwaltique la yil soc la sna'bey yolij sba te me'ba antse. Jich la yalbey: —Ma x'oc'at —xi'.

Salmos 41:1

Bin nax me yutsil te mach'a ay ta yo'tan te me'baetic te ma'yuc yip te sbaq'uetalique; ya me xcoltayot yu'un Cajwaltic ta yorail woclajel.

Éxodo 20:16

“Ma me x'ochat ta lotil testigo ta stojol apat-axujc'.

Ezequiel 33:15

teme ya sujt'es te bila yich'oj ta prendal, soc teme ya sujt'es te bi yelc'aneje, teme ya spas te bila ya yal te mandaliletic ya yac' cuxlejal, soc teme ya yijq'uitay spasel te bila ma lecuc ta pasele, ya me xcuxin ta mero melel, ma me ba ya xlaj.

San Lucas 7:19

La sticun bael ta sjojc'oyel ta stojol te Jesús teme melel te ja'ix te Cristo te ya xtale o teme ay to yan te ya xtale.

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.