San Lucas 18:9 - Bible in Tzeltal de Oxchuc y Tenejapa

⁹ Te Jesús la yalbey yaiyic yan seña-c'op ta stojol te mach'atic scuyoj sbaic te toj yo'tanic ta stojol te Diose, soc te ya yalic te amen yat'elic ta sc'opic te yantique. Jich la yal:

Nuevo Testamento Tzeltal de Amatenango

⁹ Te Jesuse la yal te seña-kꞌop to ta stojol te machꞌatik ya skuy sbaik te lek yoꞌtanik ta stojol Dios sok te ya yalik te ma tsaꞌamuk ta skꞌopik te yane. Jich a yal:

Bible in Tzeltal Bachajón

⁹ Te Jesús la yalbe ya'iyic sloc'ombahil c'op te mach'atic scuyoj sbahic ta toj ta winiquil soc te mayuc sc'oblal ta yo'tan yantic, hich la yal:

San Lucas 18:9 ပူးပေါင်းရင်းမြစ်များ

Proverbios 30:12

Ay mach'atic ya scuy sbaic te mero ma'yuc smulic; ja'uc me to, ma ba yac'oj sbaic ta lecubtesel te bila bolobenic yu'une.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Levítico 13:32

Ta sjuquebal c'aal, te sacerdote ya me stsajtay xan yil ta lec te ejch'ene. Teme ma ba pujq'uem te ejch'ene, soc teme ma ba pujul ochel te snujc'ulele, soc te ma'yuc sc'anal tsotsile,

San Lucas 10:29

Te maestro yu'un te mandalile, ma la sc'an teme ma'yuc sc'oplal ya xc'ot te bila la sjojc'oye. Jich la sjojc'o xan: —¿Mach'a a te jpat-jxujq'ue? —xi'.

San Lucas 15:2

Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.

San Lucas 7:39

Te fariseo te ic'awan ta we'ele la yil te bila la spas te antse. Jich la yal ta yo'tan: “Te ja'uc j'alwanej yu'un Dios te winique, ya me sna' te bit'il jmulawil-ants te tal ta piquel yacan yu'un te jichuque”, xi' ta yo'tan.

San Juan 8:48

La yalic te judioetique: —Melel xcaltic, pajalat soc samariaetic soc ay pucuj ta awo'tan —xiic.

San Juan 9:28

Jich caj yutic te winique, jich la yalbeyic: —Te ja'ate yaj-nopojelatix atuquel. Yan te jo'otique jnopojelotic yu'un Moisés.

San Juan 9:34

La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

Romanos 14:10

Jich yu'un te ja'ate, ¿Bi yu'un te ya alebey smul te awermanoe? Soc te ja'ate, ¿Bi yu'un te ya ap'aj te awermanoe? Melel ta jpisiltic ya me xc'o jtejc'an jbajtic ta muc'ul chajbajibal yu'un te Cristoe.

Romanos 14:3

Te mach'a spisil ya swe'eline, ma me slaban te mach'a ma spisiluc ya swe'eline. In te mach'a ma spisiluc ya swe'eline ma me slebey smul te mach'a spisil ya swe'eline, te melel pajal ic'bilic yu'un te Diose.

Romanos 7:9

Ay c'aal te ma'yuc sc'oplal ta co'tan te mandalile. Ja'uc me to, te c'alal tal te mandalile, cuxin xan la caiy te mulile. Jich lajon yu'un.