San Lucas 18:7 - Bible in Tzeltal de Oxchuc y Tenejapa

⁷ Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

Nuevo Testamento Tzeltal de Amatenango

⁷ Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

Bible in Tzeltal Bachajón

⁷ ¿Ha xan te Diose, ma bal yacuc schahpan ta stojil te mach'atic tsahticlambil yu'un, te c'ahc'al ahc'abal ya xhalbot wocol yu'une? ¿Ya bal xhalaj te ya spas te bin ya xc'ambot yu'unic?

San Lucas 18:7 ပူးပေါင်းရင်းမြစ်များ

Salmos 88:1

Cajwal, Dios cu'un, Jcoltaywanej cu'un, c'aal ajc'ubal ya jc'anbat coltayel.

Salmos 9:8

Toj me ya xchajban ta spamal te balumilale; toj me ya yalbey sc'oplal juju-jpam lum.

Éxodo 22:23

Teme la awuts'inic, ya me sc'anbonic coltayel, jich yu'un ya me xboon ta scoltayel.

Isaías 40:27

Israel, lum yu'un Jacob, ¿Bi yu'un ya x'ajc'anajat? ¿Bistuc jich ya awal: “Te Cajwale ma'yuc ta yo'tan te bit'il ayone; te Diose ma'yuc jc'oplal ta yo'tan te jo'one?” te xaate.

Habacuc 2:3

Manchuc me ma to xc'ot sc'aalelal te ya xc'ot ta pasele, ma me yu'unuc ma xc'ot ta pasel. Ya me amaliy, manchuc me ya xjalaj yilel te jich ya xc'ot ta pasele.

San Mateo 24:22

Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

San Mateo 7:11

Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

San Lucas 11:13

Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

San Lucas 2:37

Ayix chane'yo'winic (84) ja'wil ya'wilal te jilem ta me'ba antse. Spisil ora ay ta templo. C'aal ajc'ubal la spas ayuno ta sc'oponel te Diose.

San Lucas 21:28

Teme jajch' ta chicnajel te señailetique, toj me x'atejc'an abaic. Toya ajolic yu'un nopolix tel te acolelique —xi' te Jesuse.

Romanos 8:33

¿Ay bal mach'a ya xju' ya xlebot smulic te mach'atic tsabilic yu'un te Diose? Ma'yuc. Melel te Diose, ja' ac'awanix ta libre.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

1 Tesalonicenses 3:10

C'aal ajc'ubal ya calbeytic wocol Dios yu'un te yacuc yac'botic quilbeyex xan asitique, soc te ya me cac'beyex ana'ic ta banti ay to sc'an xan te xch'uunjel awo'tanique.

2 Tesalonicenses 1:6

Melel te Diose, ja' stojil te ya yac'bey stoj ta woclajel te mach'atic ya scontroinexe.

1 Timoteo 5:5

Yan te me'ba ants te ma'yuc mach'a ay yu'une soc te stuquel aye, ja' yipinej yo'tan te Diose. C'aal ajc'ubal ya yalbey wocol ta sc'oponel te Diose.

2 Timoteo 1:3

Ja'uc me to, c'aal ajc'ubal ya xjulat ta co'tan te c'alal ya jc'opon te Dios ta yalel wocol. Jun co'tan cac'oj jba ta abatinel yu'un, jich bit'il la spasic te me'il-tatiletic cu'une.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

Tito 1:1

Jo'on Pabloon te abaton yu'un te Diose, soc jpuc-c'opon yu'un te Jesucristoe, ticunbilon yu'un jich me ya staic xch'uunjel yo'tanic te mach'atic tsabilic yu'un te Diose, soc te jich ya cac'bey snopic te bit'il ay te smelelil c'ope,

1 Pedro 1:1

Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.