San Lucas 18:16 - Bible in Tzeltal de Oxchuc y Tenejapa

¹⁶ Ja'uc me to, te Jesús la yic' tel te ch'in alaletique, soc la yalbey te jnopojeletique: —Ac'a taluc ta jtojol te alaletique. Ma me x'acomic. Melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

Nuevo Testamento Tzeltal de Amatenango

¹⁶ Jich te Jesuse la yikꞌtalan tal te alaletike y la yalbe te nopojeletike: —Ma akomik te untike, aꞌ taluk ta jtojol. Porke te machꞌa jachik yoꞌtanik te tutꞌil alaletik to, jaꞌ me ya xjuꞌ ya yajwalinik te Diose.

Bible in Tzeltal Bachajón

¹⁶ Pero te Jesús la yic'ticlan tal, hich la yal: Ac'a taluc ta jtojol te alaletic, ma me xacomic, como ha yu'unic te cuentahinel yu'un Dios.

San Lucas 18:16 ပူးပေါင်းရင်းမြစ်များ

Génesis 21:4

Swaxaquebal c'aal yayinel a te Isaac te la yac'bey circuncisión te Abraham, jich bit'il albot mandal yu'un te Diose.

2 Crónicas 20:13

Spisilic te Judá tec'ajtic ta stojol Cajwaltic, tey ayic a te yinamic soc te snich'nabic, asta tey ayic a te alaletique.

Jeremías 32:39

Ya me cac' te ayuc yutsil yo'tanic ta jtojol, soc te jc'axel ya yich'onic ta muc' ta spisil xcuxlejal, ta swenta slequilal soc te sts'umbalique.

San Mateo 19:14

La yal te Jesuse: —Ma me x'acomic. Ac'a taluc ta jtojol te alaletique, melel te mach'atic jich yo'tanic te bit'il in alaletic to, ja' me ya x'ochic ta banti ay ta ajwalinel te Dios te ay ta ch'ulchane —xi'.

San Lucas 18:15

Ay la yiq'uic tel ch'in alaletic ta stojol te Jesuse, swenta yu'un ya scajanbey sc'ab ta sjolic. Te c'alal la yil te jnopojeletique, la scomic te mach'atic yic'ojic tele.

San Lucas 18:17

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

Hechos 2:39

Melel ja' awu'unic te albil sc'oplale, soc uuc te awal-anich'anique, soc ta spisil te mach'atic c'ubul ayique, chican te jayeb mach'a ya x'ic'ot yu'un te Cajwaltic Diose —xi'.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

1 Corintios 7:14

Melel te winic te ma ba xch'uunej te Diose, u'uninbilix yu'un Dios c'oem ta scaj te nujbinem soc ants te xch'uunej Dios stuquele. Ja' nanix jich uuc te ants te ma ba xch'uunej te Diose, u'uninbilix yu'un Dios c'oem uuc ta scaj te bit'il xch'uunej Dios te smamlale. Te manchuc jichuque, te yal-snich'anique, ma lecuc sc'oplal te jichuque. Ja'uc me to, u'uninbiliquix yu'un te Diose.

Deuteronomio 29:11

alaletic, antsetic, soc jyanlumetic te nainem ta awolilique, ja' te jle-si'etic soc te jcuch-ja'etique,

Deuteronomio 31:12

Ta spisil me ya stsobic te winiquetic, antsetic, alaletic soc te jyanlumetic te nainemic ta alumalique, swenta yu'un ya me yaiyic te ya yich' ilel te mandaliletique, soc ya me snopic yich'el ta muc' te Cajwaltic Dios, soc ya me spasic bael te bila ya yal te mandaliletique.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.