San Lucas 17:3 - Bible in Tzeltal de Oxchuc y Tenejapa

³ Tsajtaya me abaic te ja'exe. “Teme ay awermano te la sta smul ta atojole, baan, c'opona ta sbelal. Teme la sujt'es yo'tane, pasbeya me perdón yu'un.

Nuevo Testamento Tzeltal de Amatenango

³ Ila me abaik yuꞌun. “Teme ay jtuluk awermano te ay tut ma tsaꞌamuk ya spasbeyate, ban kꞌopona ta lek nax. Teme la sujtes yoꞌtane, pasbeya me perdon yuꞌun.

Bible in Tzeltal Bachajón

³ ¡Tsahtaya me abahic! Teme ay la sta smul ta atojol te awermano, tsitsa; teme ya suhtes yo'tan, pasbeya perdón.

San Lucas 17:3 ပူးပေါင်းရင်းမြစ်များ

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Éxodo 34:12

“Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Proverbios 17:10

Jteb nax utel ta swenta comel, tic' ya stuuntes a te mach'a ay sp'ijile; yan te mach'a ma sna' q'uinale, ma scom sba, manchuc me ay jo'winic ta jyalel majel ya yich'.

Proverbios 27:5

Ja' lec jamal ac'a yich' comel; ja' ma lecuc teme muquen c'uxtaybile.

Proverbios 9:8

Tac'uya te mach'a ma stsajtay sbae, ja' me atojol ya xc'ot yu'un te ya yilintayate; tojtesa te mach'a ay sp'ijile, ja' me atojol ya xc'ot yu'un stuquel te c'uxat ta yo'tane.

Levítico 19:17

“Ma me xcupetuc slab awo'tan ta stojol awermano. “Tojtesa me te alumal teme tojtesel ya sc'ane, ma me xamulinbey smul, ma me xapaj awo'tan soc.

San Mateo 18:21

Te Pedroe noptsaj tel soc jich la yal: —Cajwal, ¿jayeb buelta ya sc'an te ya jpasbey perdón te quermano teme ya sta smul ta jtojole? ¿Tic' bal a te juqueb bueltae? —xi'.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Efesios 5:15

Jich yu'un, tsajtaya abaic ta lec te bit'il ya sc'an ya xcuxinex ta q'uinale. P'ijanic me. Ma me jichuquex te bit'il mach'atic ma'yuc bi sna'ique.

Deuteronomio 4:15

“Te bi c'aalil la sc'oponex ta yolil c'ajc' te Cajwaltique, ja' te la sc'oponex ta wits Horeb, ma'yuc bila la awilic chicnaj tey a. Ja' yu'un tsajtaya me abaic, ma me xyalex ta mulil te mero ilaybil sbae.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Santiago 5:19

Quermanotac, teme ay mach'a la yijq'uitayix ta yo'tan te smelelil c'ope, ayuc me mach'a ya scoltay te ya sujt'es yo'tan.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.