San Lucas 17:10 - Bible in Tzeltal de Oxchuc y Tenejapa

¹⁰ Ja' nanix jich te ja'exe, teme la apasix spisil te bila la yalbat te Diose, ya sc'an te jich ya awalic: “Amenotic ta abatil, melel ja' nax la jpastic te bila albototique”, xaex me —xi' te Jesuse.

Nuevo Testamento Tzeltal de Amatenango

¹⁰ Jich euk te jaꞌexe teme la apasix spisil te tut la yalbeyat te Diose, ya skꞌan te jich ya awalike: “Ma tsaꞌamukotik ta mantaltesel. Porke ma juꞌemuk kuꞌuntik spasel ta mas te kaꞌteltike”, xchaex me —xchi te Jesuse.

Bible in Tzeltal Bachajón

¹⁰ Ha nix hich te ha'exe, teme la apasic spisil te bin halbotex, hich me yac awalic: Ma xtuhunotcotic ta a'batinel, ha nax la jpascotic te bin ay ta jcuentacotic spasel, chihanic me, xchi te Jesús.

San Lucas 17:10 ပူးပေါင်းရင်းမြစ်များ

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

San Mateo 25:30

In abat to te ma xtuune, ch'oja loq'uel ta ijc' q'uinal. Tey me ya xc'o yoq'uetay sba a, soc tey me ya xc'o sjets'ulay ye a”,, xi'.

San Lucas 17:11

Te bit'il yac ta beel ta sbelal Jerusalén te Jesuse, c'ax bael ta sq'uinal Samaria soc Galilea.

San Lucas 17:9

¿Soc, ya bal awalbey wocol te awabat yu'un te bit'il la spasbat te awat'el la awalbeye? ¡Ma jichuc!

Romanos 11:35

¿Mach'a c'an majt'antesotuc yu'un neeluc te Cajwaltique te ya xju' ya sujt'esbot sjelol yu'un ta patile?”, te xie.

Romanos 3:12

Spisil ants-winiquetic jowejemic ta be, spisil lajix yutsilic. Ma'yuc mach'a ya spas te bila leque, ma'yuc ni jtuluc.

Filemón 1:11

Ta neelal to c'alal ay ta mosoil awu'un te Onesimoe, ma ba tuun awu'un. Yan ta ora to ya xtuunix awu'un te ja'ate soc uuc te jo'one.