San Lucas 16:9 - Bible in Tzeltal de Oxchuc y Tenejapa

⁹ “Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

Nuevo Testamento Tzeltal de Amatenango

⁹ “Joꞌon ya kalbeyex: Leaik me machꞌa ya akꞌuxutay aba sok ta skuenta te akꞌulejal liꞌ ba jmulawil balmilal to, yuꞌun te kꞌalal ya xlaj te akꞌulejale, ay me machꞌa ya yikꞌat ochel te ba kuxlejal sbajtel kꞌinale.

Bible in Tzeltal Bachajón

⁹ Ho'on ya calbeyex, lehahic mach'atic yac ac'uxultay abahic soc ta scuenta te c'uhlejalil yu'un te bahlumilale, scuenta yu'un te c'alal ya xlaj, ya me x'ic'otat ochel te banti ya x'ayinat sbahtel q'uinal.

San Lucas 16:9 ပူးပေါင်းရင်းမြစ်များ

Salmos 73:26

Te jbaq'uetal soc te co'tan ya xlaj; pero ja' quip stuquel te Diose, soc ja' cawil sbajt'el q'uinal.

Proverbios 14:24

Te mach'a ay sp'ijile, ja' scorona te ay sp'ijil sjole; yan te mach'a ma sna' q'uinale, ja' scorona te sbolile.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Proverbios 23:5

Yacuc atsajtay awil ta lec, ya me awil te ya xch'ay bael te c'ulejalile; jich c'oem te bit'il ya xloc' xic', melel ora nax ya xbajt' ta wilel jichuc águila.

Eclesiastés 11:1

Ac'a bael ta ja' te awaje, ta patil ya me ata xan.

Isaías 57:16

Ma spisiluc ora ya calulabey smul te lum cu'une; ma me spisiluc c'aal ayon ta ilimba. Melel te ants-winiquetic te jpasoje, ma wocoluc ya xch'ay yutsil yo'tanic ta jtojol.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

San Mateo 19:21

Te Jesús jich la yalbey: —Teme ya ac'an te jc'axel lec ya xc'oate, baan, chona spisil te bila ay awu'une. Q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi' te Jesuse.

San Mateo 6:19

“Ma me x'atsob ac'ulejalic ta balumilal te banti ya xlaj ta joch' soc ta tsa'ec', soc ta banti ya stob na j'eleq'uetic.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 14:14

Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.

San Lucas 16:11

Jich yu'un teme ma junuc awo'tan ya awentain te c'ulejalil swenta in balumilal to, ¿mach'a c'an yac'bat awentain te lequil c'ulejalile?

San Lucas 16:13

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule, yan te yane, c'ux ya yaiy ta yo'tan stuquel. Te jtule jun yo'tan ta stojol, ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios teme ja' baem ta awo'tanic te ac'ulejalique —xi' te Jesuse.

San Lucas 16:4

Ta ora to ya jna'ix te bila ya jpase, swenta yu'un ay me mach'a ya yic'on ta sna te c'alal ma'yuconix ta mayordomoil a”, xi' ta snopel.

Hechos 10:31

te jich la yalbone: “Cornelio, Dios la yaiybat stojol te bit'il ya ac'opone, soc la sna'atix te bit'il ya aq'ueban ataq'uine.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.