San Lucas 16:8 - Bible in Tzeltal de Oxchuc y Tenejapa

⁸ “C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.

Nuevo Testamento Tzeltal de Amatenango

⁸ “Te yajwale la snaꞌbe sluwar. Jich a yal: “Te jkanan ma tsaꞌamuke ay spꞌijil yuꞌun te tutik ya spase”, xchi yuꞌun. Jich te machꞌatik ayik ta skuenta te balmilal to, mas ay spꞌijilik ta xchapel sbaik stukelik ke te machꞌatik ayikix ta sakil kꞌinale.

Bible in Tzeltal Bachajón

⁸ Te yajwal la yalbe lec sc'oblal te chopol jcanan-biluc te bin ut'il la sna' bin la yut. Como te mach'atic scuenta bahlumilal c'ax hich ya sna'ic a bin ya yut soc te smohloltac te bin ut'il te mach'atic ayic ta scuenta sacal q'uinal.

San Lucas 16:8 ပူးပေါင်းရင်းမြစ်များ

Génesis 3:1

Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

2 Samuel 13:3

Pero te Amnón ay jtul te mach'a jun yo'tan sba soque te mero ay sp'ijil, Jonadab snich'an Simea, ja' nix sbanquil te David.

2 Reyes 10:19

Ja' yu'un ic'aic tel spisil te j'alwanejetic yu'un Baal, te mach'atic yich'ojic ta muq'ue, soc te sacerdoteetic yu'une. Melel chapal cu'un mero muc' milbil majt'anil swenta yich'jibal ta muc' Baal. Te mach'a ma ba ya xtale, ya me xlaj —xi'. Pero te Jehú chapal yu'un te jich ya slo'laye, swenta yu'un jich ya slajin spisil te mach'atic xch'uunejic Baal.

Salmos 17:14

Cajwal, ta swenta awu'el ac'awon ta libre ta stojolic; loq'uesa ta jc'axel ta balumilal, melel ja' nax yu'unic stuquel te cuxulic ta q'uinale. Ac'a yich'ic bayal castigo, soc ac'a c'otuc ta stojol snich'nabic ja' to c'alal ma xcujch' yu'unic, soc ac'a c'otuc ta swenta te smamatac te sobraile.

Éxodo 1:10

Jich yu'un ya me sc'an ya quich'tic jp'ijiltic te yacuc comuc ta esmajel, melel teme ay tal jcontrotic, teme ba xchap sc'opic soque, ya me yac'botic guerra, jich me ya xcolic bael ta jc'abtic —xi'.

Proverbios 12:8

Ay ta alel yutsil sc'oplal te mach'a ay sp'ijil sjole; yan te mach'a bol yo'tane, ilaybil stuquel.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Mateo 17:26

La yal te Pedroe: —Ja' nax te jyanlumetique —xi'. Te Jesús la yalbey: —Jich yu'un libre ayic te yal-snich'anic jiche.

San Lucas 16:10

“Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

San Lucas 16:4

Ta ora to ya jna'ix te bila ya jpase, swenta yu'un ay me mach'a ya yic'on ta sna te c'alal ma'yuconix ta mayordomoil a”, xi' ta snopel.

San Lucas 16:7

La yalbey te yane: “¿Ja'xan te ja'ate, jayeb te abete?”, xi'. La yal te winique: “Ay jo'winic (100) ta jp'is trigo te jbete”, xi'. Te mayordomo la yalbey: “Ich'beya yan sjunil te abete. Ja' nax me xats'ibuy chanwinic (80) ta jp'is te abete”, la yut.

San Lucas 18:6

Soc la yal xan te Cajwaltique: —Awaiy bit'il la yal te juez te ma ba lec yo'tane.

San Lucas 20:34

Te Jesús la yalbey yaiyic: —Spisil te mach'atic ayic to ta balumilale, ya xnujbinic soc ya xbajt'ic ta ich'el.

San Lucas 20:35

Yan te mach'a jayeb lec ya x'ilotic yu'un Dios te jich ya xju' ya x'ainic tey a ta bay te utsil-q'uinal te ya xchicnaj ta patile soc te ya xcha'cuxic tel ta bay te animaetique, ma'yuquix nujbinel tey a.

San Juan 12:36

Te bit'il ayex to ta bay te saquil q'uinal, ch'uunaic me, swenta yu'un ja' yal-snich'an ya xc'oex te saquil q'uinale —xi' te Jesuse. C'alal laj yo'tan ta yalel in to te Jesuse, ba snac' sba ta q'uejel.

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

1 Tesalonicenses 5:5

Melel te ja'exe ayex ta swenta te saquil q'uinale soc te c'aleltique. Jpisiltic ma'yucotic ta swenta ajc'ubal soc ijc' q'uinal.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.