San Lucas 16:3 - Bible in Tzeltal de Oxchuc y Tenejapa

³ “Jich te mayordomo jajch' snop ta yo'tan: “¿Bila lec ya jpas te bit'il ya sloq'uesonix ta mayordomoil te cajwale? Melel ma xju' cu'un te tulan at'ele, soc ya xq'uexawon teme ochon ta c'anbajele.

Nuevo Testamento Tzeltal de Amatenango

³ Jich te jkanane lijk spas pensar: “¿Tut lek ya jpas te tutꞌil ya slokꞌesonix ta kaꞌtel te kajwale? Yuꞌun ma xjuꞌix kuꞌun te tulan aꞌtele, sok ya xkꞌexawon teme lijkon ta kꞌambajele.

Bible in Tzeltal Bachajón

³ Hich te jcanan-biluc hahch snop ta yo'tan: ¿Bin ya jpas, como ya sloq'uesonix ta ca'tel te cajwal? Ma xhu' cu'un te ya x'ochon ta joc'-lum, soc ya xq'uexawon teme ya x'ochon ta c'ambajel.

San Lucas 16:3 ပူးပေါင်းရင်းမြစ်များ

Ester 6:6

Och bael te Amán, jojc'obot yu'un te muc' ajwalile: —¿Bi ya sc'an ya yich' pasel te mach'a ya yac' ta ich'el ta muc' te muc' ajwalile? —la yut. Te Amán la yal ta yo'tan: “¿Mach'a yan te ya yac' ta ich'el ta muc'? Jo'on abi”, xi'.

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

Proverbios 15:19

Te mach'a ch'aj, nojel ch'ix ta sbe ya yaiy; yan te mach'a toj aye, jamal ta lec sbe ya yaiy stuquel.

Proverbios 18:9

Te mach'a ch'aj, ja' nix yermano sba soc te mach'a ya xjinawane.

Proverbios 19:15

Te ch'ajilal ya yac' wayel, ya xch'ay ta q'uinal ta jyalel; soc te mach'a ch'aj ay swocol ta wi'nal yu'un.

Proverbios 20:4

Te mach'a ch'aj ma x'at'ej ta yorail at'el; jich yu'un te c'alal ya sta yorail c'ajoj, ya sle, pero ma sta ta leel.

Proverbios 29:21

Te mach'a ma scom yabat te c'alal alal to, ta slajibal ya me smel yo'tan yu'un.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Oseas 9:5

Te ja'exe ¿bi ya apasic yu'un sc'aalelal te q'uine, te muc'ul q'uin yu'un te Cajwaltique?

San Mateo 20:8

“C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

San Marcos 10:46

C'otic ta lum Jericó. Te c'alal yaquix ta loq'uel bael ta ti'lum te Jesuse, sjoinej te jnopojeletic yu'une soc tsobol te ants-winiquetique. Ay jtul ma'sit nacal ta ti'be yac ta c'anbajel, Bartimeo sbiil te snich'an Timeoe.

San Lucas 12:17

Jich jajch' snop ta yo'tan: “¿Bi ya sc'an ya jpas in to? Melel ma'yuc banti ya stac' ya jq'uejix te sit cawal-jts'unube”, xi' ta snopel.

San Lucas 16:2

Jich te jc'ulej-winique la sticun ta iq'uel te mayordomoe. Jich la yalbey: “¿Melel bal te ac'oplal yacon ta yaiyel stojole? Tsobonix jilel spisil te awat'el ta mayordomoil, yu'un ma xju'ix te ya awentainbon xan te jbiluque”, la yut.

San Lucas 16:20

Soc ay jtul winic te ay yo'bolil sba ta c'axem to xan te Lázaro sbiile, metsel ta sti' sna te jc'ulej-winique te scojt'ol sbaq'uetal ay ta c'a'ele.

San Lucas 16:22

“Ja'uc me to, laj te winic te ay yo'bolil sbae. La yich' iq'uel bael yu'un ch'ul abatetic te ba yac'bey sjoin sba soc te Abrahame. Soc laj uuc te jc'ulej-winique. La yich' muquel te sbaq'uetale.

San Lucas 16:4

Ta ora to ya jna'ix te bila ya jpase, swenta yu'un ay me mach'a ya yic'on ta sna te c'alal ma'yuconix ta mayordomoil a”, xi' ta snopel.

San Lucas 18:4

Te juez bayal c'aal te ma la sc'an yo'tan te ya xchajbane. Patil la snop: “Manchuc teme ma ba ya jxi' te Diose soc te ma'yuc mach'a ya quich' ta muq'ue,

San Juan 9:8

Te mach'atic nopol ay soque soc te mach'atic yilojic te bit'il ma'sit ta neelale, jich la yalic: —¿Ma bal ja'uc in to te ya snajc'an sba ta c'anbajele? —xiic.

Hechos 3:2

Ay jtul coxo-winic ta yayinab to, jujun c'aal ay mach'a ya x'ic'ot tel yu'un, soc ya x'ac'ot jilel ta bay ti'templo te T'ujbil Ti'nail sbiile, swenta yu'un ya sc'an smajt'an taq'uin yu'un te mach'atic ya x'ochic ta temploe.

Hechos 9:6

Te Saulo jajch' ta nijq'uel yu'un xiwel. Jich la yal: —Cajwal, ¿bila ya sc'an awo'tan te ya jpase? —xi'. La yal te Cajwaltique: —Jajch'an, ochan bael ta lum. Tey me ya xc'o awich' alel a te bila ya sc'an ya apase —la yut.

2 Tesalonicenses 3:11

Pero ay caiyojtic stojol te ay cha'oxtulex te ma x'ac'an te ya x'at'ejexe soc te ma'yuc swentail ya xc'ax c'aal awu'unique.