San Lucas 16:2 - Bible in Tzeltal de Oxchuc y Tenejapa

² Jich te jc'ulej-winique la sticun ta iq'uel te mayordomoe. Jich la yalbey: “¿Melel bal te ac'oplal yacon ta yaiyel stojole? Tsobonix jilel spisil te awat'el ta mayordomoil, yu'un ma xju'ix te ya awentainbon xan te jbiluque”, la yut.

Nuevo Testamento Tzeltal de Amatenango

² Jich te jkꞌulej winike la stikon ta ikꞌel te yaj-kanane, y la yalbe: “Me jich te akꞌoplal te yipalon ta yaꞌiyele. Aꞌbon jil entregal te awaꞌtele, yuꞌun ma xjuꞌix te ya akanantaybon te stutik kuꞌune”, xyut.

Bible in Tzeltal Bachajón

² Ha yu'un la yic' tal, hich la sjoc'obe: ¿Melel bal te hich ay ta halel ac'oblal ya ca'iy? Ac'ahix cuenta te bintic ay ta acuenta scanantayel, como ma xhu' ya xhilatix ta jcanan-biluc cu'un, la yut.

San Lucas 16:2 ပူးပေါင်းရင်းမြစ်များ

Eclesiastés 12:14

Dios me ya yich'botic ta wenta spisil te cat'eltique, manchuc me lec o ma lecuc, manchuc me muquen la jpastic.

San Mateo 12:36

Soc ya calbeyex awaiyic, spisil ta jp'al c'op te ma'yuc swentail ya yal loq'uel ta ye te ants-winiquetique, ya me x'ich'bot sc'opic yu'un Dios ta slajibal c'aal.

San Mateo 20:8

“C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Lucas 16:1

Te Jesús jich la yalbey xan te jnopojeletic yu'une: —Ay jtul jc'ulej-winic te ay mayordomo yu'une. Te yantique tal yalbey smul te mayordomo te jontol nax yac ta slajinbel sbiluc te yajwale.

San Lucas 16:3

“Jich te mayordomo jajch' snop ta yo'tan: “¿Bila lec ya jpas te bit'il ya sloq'uesonix ta mayordomoil te cajwale? Melel ma xju' cu'un te tulan at'ele, soc ya xq'uexawon teme ochon ta c'anbajele.

Romanos 14:12

Jich yu'un, juju-jtulotic ya me xc'o cac'tic ta stojol Dios te bila la jpastic ta q'uinale.

1 Corintios 1:11

Quermanotac, ja' la xcholbonix ac'oplalic te mach'atic ay yu'un te Cloé, te ay c'op jajch'em awu'unique.

1 Corintios 4:2

Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

1 Timoteo 4:14

Bayaluc me sc'oplal ta awo'tan te amajt'an te ac'bilate soc te ac'botat ta awenta te c'alal c'opojic ta atojol te j'alwanejetic yu'un te Diose, soc te la scajanbat sc'abic ta ajol te ancianoetique.

1 Timoteo 5:24

Soc ya calbat xan, ay mach'atic ya xchicnaj smulic ta comonsitil te c'alal ma to ayuc ta chajbanel a. Soc ay yantic te ma chicanuc ta comonsitil ta ora te smulique. Patil to ya xchicnaj.

1 Pedro 4:10

Jech abatina abaic juju-jtul, chican bila majt'anil ac'bilex yu'un te Diose. Melel ya sc'an te ya awac' abaic ta abatinel ta stojol te yantique, chican te bit'il ac'bilex yu'un te Diose.

1 Pedro 4:5

Ja'uc me to, ya me x'ilbot yat'elic yu'un te Mach'a yich'oj yat'el ta chajbanwanej ta stojol spisil te mach'a cuxajtique soc spisil te mach'atic lajemique.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.