San Lucas 16:1 - Bible in Tzeltal de Oxchuc y Tenejapa

¹ Te Jesús jich la yalbey xan te jnopojeletic yu'une: —Ay jtul jc'ulej-winic te ay mayordomo yu'une. Te yantique tal yalbey smul te mayordomo te jontol nax yac ta slajinbel sbiluc te yajwale.

Nuevo Testamento Tzeltal de Amatenango

¹ Te Jesuse jich a yalbe xan te jnopojeletik yuꞌune: —Ay jtul jkꞌulej winik te ay jtul yaj-kanane. Te yane ba yalbe smul te jkanane te yipal ta slajimbeyel stutik yuꞌun te yajwale.

Bible in Tzeltal Bachajón

¹ Te Jesús hich la yalbe xan te jnopojeletic yu'un: Ay jtuhl jc'uhlej winic te ay jcanan-biluc yu'un te c'oht ta halbeyel te yac ta lajimbeyel sbiluc yu'un.

San Lucas 16:1 ပူးပေါင်းရင်းမြစ်များ

Génesis 15:2

Te Abram la yal: —Cajwal Dios, ¿banti ya xtuun cu'un te jmajt'an ya awac'bon te bit'il ana'oj te ma'yuc jnich'ane? Melel ma'yuc awac'ojbon jtuluc jnich'an, jich yu'un ja' ya yich'bon jilel jna jbiluc te mayordomo te Eliezer te damasco-winique —xi'.

Génesis 43:19

Jich la sc'oponic te mayordomo José ta sti' sna,

1 Crónicas 28:1

Te David la stsob ta Jerusalén spisil te sjo'tac ta at'el ta Israel: ja' te jtsobwanejetic yu'un chajbalchajp sts'umbalic te lume, te jtsobwanejetic yu'un chajbalchajp soldadoetic te ayic ta abatinel yu'un te ajwalile, te capitanetic yu'un juju-jchajp batallón soc juju-jchajp compañía, te jwentainwanejetic yu'un spisil ta jsejp te sq'uinal soc te xchamsbalam te muc' ajwalil soc te snich'nabe, soc te yantic muq'uic sc'oplale, soc spisil te soldadoetic te ay yipique.

Proverbios 18:9

Te mach'a ch'aj, ja' nix yermano sba soc te mach'a ya xjinawane.

Oseas 2:8

“Ja'uc me to, te antse ma la sna'on. Ma la sna' te jo'on la cac'bey te trigo, vino soc te aceite; te jo'on la quesmantesbey te plata, oro ya spas yajcanan ae.

San Mateo 20:8

“C'alal x'ametix q'uinal a te yajwal at'ele la yalbey te mayordomoe: “Ic'a tel te j'at'eletique. Ac'beya stojolic. Ac'beya stojol neeluc te mach'atic patil ochic ta at'ele. Ja' me slajibal ya atoj te mach'a neel ochic ta at'ele”, la yut.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

San Lucas 15:13

“Che'oxeb c'aal ta patil, te ijts'inale la xchon spisil te bila ac'bot ta swentae. Jich bajt' ta c'ubul ta yan lum. Tey c'o slajin spisil a te sbiluque, ma'yuquix bila yich'oj jilel.

San Lucas 15:30

Yan te c'alal sujt' tel te alequil-nich'an te la sjowil-lajinbat ataq'uin ta jmulawil-ants, ja' la amilbeyix jujp'en tat wacax stuquel”, xi' te banquilale.

San Lucas 16:19

“Ay jtul jc'ulej-winic te c'aem ta slapel buen t'ujbil tsaj'aman pac', soc t'ujbil lino-pac' soc jujun c'aal ya spas q'uin, soc buen bujts'an nax swe'el te jujun c'aale.

San Lucas 16:2

Jich te jc'ulej-winique la sticun ta iq'uel te mayordomoe. Jich la yalbey: “¿Melel bal te ac'oplal yacon ta yaiyel stojole? Tsobonix jilel spisil te awat'el ta mayordomoil, yu'un ma xju'ix te ya awentainbon xan te jbiluque”, la yut.

San Lucas 19:20

“Soc tal te yane. Jich la yal uuc: “Cajwal, li' ay to te jun mina-taq'uin la awac'bon jilele. La jq'uejbat, soc la jpotsbat ta pañuelo.

San Lucas 8:3

soc te Juana te ja' smamlal te Chuza te mayordomo yu'un te Herodese, soc te Susana, soc tsobol yantic antsetic. Te bila ay yu'unic te antsetique, la yac'beyic te bila tuun yu'un te Jesús soc te jpuc-c'opetic yu'une.

Tito 1:7

Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

Santiago 4:3

Manchuc teme ya ac'anique, ja'uc me to, ma x'ac'botex, yu'un ma lecuc awo'tanic ta sc'anel. Melel ja' nax ya ac'anic yu'un te ya xbujts'naj awo'tanic yu'une.

1 Pedro 4:10

Jech abatina abaic juju-jtul, chican bila majt'anil ac'bilex yu'un te Diose. Melel ya sc'an te ya awac' abaic ta abatinel ta stojol te yantique, chican te bit'il ac'bilex yu'un te Diose.