San Lucas 15:8 - Bible in Tzeltal de Oxchuc y Tenejapa

⁸ “Teme ay jtul ants te ay lajunsejp dracma staq'uine, ¿bi xi' yo'tan yu'un teme ya xch'ay junuc dracma yu'une? ¿Ma bal yacuc stsum c'ajc' yil, soc ma bal yacuc smes ta lec te snae yu'un ya sle te staq'uin ch'ayeme? Ja' to ya xlaj yo'tan a teme la stae.

Nuevo Testamento Tzeltal de Amatenango

⁸ La yal xan te Jesuse: —Jaꞌ jich euk teme ay jtul ants te ay lajuneꞌ pesu stakꞌine, teme la xchꞌay junuk pesue, ¿tut xchi yuꞌun? ¿Me ma wan yauk stsun slampara sok me ma wan yauk smes lek te snae yuꞌun ya sle te stakꞌin chꞌayeme? Jaꞌ to xlaj yoꞌtan teme la stae.

Bible in Tzeltal Bachajón

⁸ Soc teme ay jtuhl ants te ay lajuneb dracma-taq'uin yu'un, teme ch'ay junuc, ¿ma bal yacuc stsun sc'ahc', ya smes sna soc ya sle ta lec ha to c'alal ya sta?

San Lucas 15:8 ပူးပေါင်းရင်းမြစ်များ

Ezequiel 34:12

Te jcanan-chij bayal sc'oplal ta yo'tan stsobel tel te chijetic yu'un teme pujq'ueme. Jich me bayal sc'oplal ta co'tan te chijetic cu'une. Ya me jcoltay loq'uel te banti pujq'uemic bael te jun c'aal ijc'uben q'uinal yu'un te bayal tocale.

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.

San Lucas 15:7

Jich yu'un ya calbeyex, te c'ax jich ay sbujts' yo'tanic te mach'atic ayic ta ch'ulchan te c'alal ya sujt'es yo'tan yu'un smul te jtul jmulawil, te bit'il balunlajuneb yo'winic (99) ta jtul te toj yo'tanic ta stojol Dios, te ma yejt'aluc ya sujt'es yo'tanic yu'un te smulique.

San Lucas 15:9

Te c'alal la staix ta leele, ya stsob tel te sjo'tac ta antsile soc te spat-xujq'ue. Jich ya yalbey yaiyic: “Binuc nax me awo'tanic cu'un, melel la jtaix te jun dracma-taq'uin te ch'ayem cu'une”, xi' me ta stojolic.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

San Juan 10:16

Ay yantic chijetic cu'un te ma to ochemuc ta bay in corral to. Puersa me ya quic' tel. Jich me ya yaiybonic stojol te jc'ope. Jich jtsojp nax chij ya xc'otic ta spisilic soc jtul nax jcanan-chij ya xc'ot yu'unic.

San Juan 11:52

Soc ma stuqueluc nax sc'oplal te judioetique, ja' sc'oplalic ta spisil uuc te alnich'anetic yu'un Dios te pujq'uemic te ya yich'ic tsobel ochel ta jun naxe.

Hechos 19:19

Jich te mach'atic yat'elinejic spasel mágia, la yich'ic tel xchiq'uic ta comonsitil te slibroile. La yich'ic ta wenta te jayeb stojol ya xloc' a te libroetique, ay lajuneb yoxwinic ta jmil (50,000) ta jsejp plata te stojole.

Efesios 2:17

Te Cristoe xtaluc yal ta bayuc te lec yach'il c'op swenta lamal q'uinal. La yal ta atojolic ja'ex te c'ubul ayexe soc ta stojol te mach'atic nopol ayique.