San Lucas 13:8 - Bible in Tzeltal de Oxchuc y Tenejapa

⁸ Jich la yal te jcanan-awalts'unubile: “Cajwal, ac'a ainuc xan junuc ja'wil tey a. Ya me joc'bey slumil, soc ya cac'bey sc'a'al-lumil.

Nuevo Testamento Tzeltal de Amatenango

⁸ Pero la yal te machꞌa skanantayej te lume: “Kajwal, jilesa to junuk jaꞌbil teꞌa. Ya to jokꞌbe slumil, sok ya to kaꞌbe kurtibo.

Bible in Tzeltal Bachajón

⁸ La sjac' te jcanan-ts'usubil: Cajwal, ihquitaya ha'i ha'bil ini; ya joc'be sjoyobal stomal soc ya ca'be c'a'emlum.

San Lucas 13:8 ပူးပေါင်းရင်းမြစ်များ

Salmos 106:23

Te Dios la yalbey sc'oplal ta lajinel ta jc'axel; ja'uc me to, te Moisés te tsabil yu'une, c'opoj yu'unic. Jich lamaj bael sc'ajc'al yo'tan te Diose; ma ba la slajin ta jc'axel te lume.

Éxodo 34:9

Jich la yal: —¡Cajwal! ¡Cajwal! Teme melel te lec c'oemon ta asite, joinawotic bael jiche. Te lume, melel nix a ma spejc'an sbaic ta jyalel, ma xch'uunic mandal. Pasbon perdón yu'un a te jmul soque. Lumucotic me awu'un —xi' te Moisese.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Joel 2:17

Ac'a oq'uicuc te sacerdoteetic, ja' te abatetic yu'un te Cajwaltique. Jich ac'a yalic ta yolil te yochibal Ch'ul Awilal soc te scajtijib ta chiq'uel majt'anile: “Cajwal, pasbeya perdón te lum awu'une; ma xawac' te ay mach'a ya xlabanot yu'un te mach'atic awu'une; ma xawac' te ya x'u'uninot yu'un yantic nación, soc te jich ya yalic te mach'atic ma ba xch'uunejate: ‘¿Banti ay te Dios yu'unique?’ xiic me”, xiuc me sc'op te sacerdoteetique.

San Lucas 13:7

Jich la yalbey te jcanan-awalts'unubile: “Aiya awaiy stojol, yoxebalix ja'wil te ya xtalon ta yilulayel te higo-te'e. Xujt' ma'yuc sit ya jtabey. Jich yu'un, boja loq'uel. Yu'un tojol smacoj q'uinal”, xi' soc.

San Lucas 13:9

Jich wan ya yac' sit. Teme ma la yac' site, ya me xju' ta bojel loq'uel”, xi' me —xi' te Jesuse.

San Lucas 14:35

Ma xtuunix yu'un te lumq'uinale, soc ma xtuunix yu'un te c'a'al c'a'bale. Ja' xanix te ya yich' ch'ojel baele. Te mach'a ay xchiquine, ac'a me yaiy stojol ta lec —xi' te Jesuse.

Romanos 10:1

Quermanotac, toyol co'tan ta sc'oponel Dios yu'un te yacuc staic colel te israeletique.

Romanos 11:14

Jich yu'un yacon ta sleel te bit'il ya jachbey sbic'tal yo'tanic te jlumale, swenta yu'un ay me cha'oxtul ya sta scolelic a.

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.