San Lucas 13:11 - Bible in Tzeltal de Oxchuc y Tenejapa

¹¹ Ay jtul ants tey a te ayix ta xwaxaclajunebal (18) ja'wil te uts'inbil yu'un te pucuje. Ma'yuc yip te sbaq'uetale, soc c'ujul spat ya xbeen. Xujt' ma xju' yu'un te toj ya stejc'an sbae.

Nuevo Testamento Tzeltal de Amatenango

¹¹ Ay jtul ants teꞌa te ayix diesiocho jaꞌbil te ay chamel ta stiꞌbalule te kꞌujanbil spat yuꞌun pukuj te ma spas ya xjach sbae.

Bible in Tzeltal Bachajón

¹¹ Ay jtuhl ants tey a te ayix waxaclajuneb (18) ha'bil te yich'oj espíritu te la ya'be schamel, c'ujul spat ya xbehen yu'un, ma xhu' yu'un te toj ya stehc'an sba.

San Lucas 13:11 ပူးပေါင်းရင်းမြစ်များ

Job 2:7

Te Satanás loc' bael ta stojol te Cajwaltique, la sticunbey buen tulan sac'al chin ta snujc'ulel te Job, jajch' ta yacan c'alal ta sjol, potsot yu'un te chamele.

Salmos 145:14

Te Cajwaltic ya stsac ta sc'ab te mach'atic ya xyalic; ya yac'bey xan yip te mach'atic yacalic ta lajel yipique.

Salmos 146:8

te Cajwaltic ya sjambey sit te mach'atic ma xyilic q'uinal; te Cajwaltic ya stijbey xan jajch'el yo'tanic te mach'atic peq'ueliquixe; te Cajwaltic c'ux ta yo'tan te mach'atic toj yac'oj sbaic;

Salmos 38:6

Spisil c'aal ayon ta mel-o'tan, tinilon ta jyalel soc wuts'ulonix coel.

Salmos 42:5

¿Bi yu'un ya xpejc'aj co'tan? ¿Bi yu'un te bayal ya x'ayan co'tan? Ja' yacon ta smaliyel te Diose, ya to calbey xan yutsil sc'oplal. Ja' Dios cu'un stuquel, ja' stuquel te jcoltaywanej cu'une.

Salmos 6:2

Cajwal, na'bon me yo'bolil jba, yu'un ya caiy ta co'tan te ma'yuquix te quipe. Cajwal, ac'bon xan yip te jbaq'uetale, yu'un scojt'ol yac ta nijq'uel.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Marcos 9:21

Te Jesús la sjojc'obey te state: —¿Sjayebalix ja'wil xjajch'el in to? —xi'. La yal te state: —Ta yalalil to.

San Lucas 13:12

Te Jesús la yil soc la yic' tel ta stojol. Jich la yalbey: —Me'tic, libre ayatix yu'un te achamele —xi'.

San Lucas 13:16

¿Ja' xan in ants to te sts'umbal Abraham te ayix waxaclajuneb (18) ja'wil te chucbil yu'un te Satanase? ¿Ma bal lecuc te la yich' coltayel uuc ta sc'aalelal te cux-o'tane? —la yut.

San Lucas 21:28

Teme jajch' ta chicnajel te señailetique, toj me x'atejc'an abaic. Toya ajolic yu'un nopolix tel te acolelique —xi' te Jesuse.

San Lucas 8:2

Soc ay antsetic te la sloq'uesbeyix pucuj ta yo'tanique soc te la slamantesbeyix xchamelic te sjoinejic ta beel uuc te Jesuse. Ja' te Mariae te Magdalena yan sbiile, te loq'uem juqueb pucuj ta yo'tane,

San Lucas 8:27

C'alal loq'uemix ta barco a te Jesuse, noptsaj tel ta stojol jtul winic te loq'uem tel ta lume. Ayix bayal c'aal te ay pucujetic ta yo'tan, soc te ma'yuquix sc'u'-spac' ya xbeene, soc te ma'yuc bay ya x'ainix ta snae. Ja' snainejix te muquenaletique.

San Lucas 8:43

Ay jtul ants tey a te ay ta chamele. Ayix lajchayeb ja'wil te ma xmajc' te xchamele. [Spisil la slajinix staq'uin ta swenta jpoxtaywanejetic,] ja'uc me to, xujt' ma'yuc banti col yu'un.

Hechos 3:2

Ay jtul coxo-winic ta yayinab to, jujun c'aal ay mach'a ya x'ic'ot tel yu'un, soc ya x'ac'ot jilel ta bay ti'templo te T'ujbil Ti'nail sbiile, swenta yu'un ya sc'an smajt'an taq'uin yu'un te mach'atic ya x'ochic ta temploe.

Hechos 4:22

Melel te winic te lecub ta swenta te jchajp at'elile, c'axemix ta cha'winic ja'wil te ya'wilale.