San Lucas 12:4 - Bible in Tzeltal de Oxchuc y Tenejapa

⁴ “Te bit'il jun ayotique, yo'tic ya calbeyex: Ma me ja'uc x'axi'ic te mach'a ya smilbeyex abaq'uetalic te patil ma'yuc bi ya xju' ya spasbeyex xane.

Nuevo Testamento Tzeltal de Amatenango

⁴ Te jaꞌex, te kamigo jbatike, ya kalbeyex ma me xiꞌanik yuꞌun te machꞌa ya smilbeyex te atibalulike, pero ta patil maꞌyuk tut ya xjuꞌ ya spasbeyex xan.

Bible in Tzeltal Bachajón

⁴ Ya calbeyex, camigotac, ma me xaxi'ic te mach'a ya smilbeyex abaq'uetalic, te mayuc bin ya xhu' ya spasbeyix xan ta patil.

San Lucas 12:4 ပူးပေါင်းရင်းမြစ်များ

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Cantares 5:16

Te ye, mero buen bujts'an xchi'il. Ta scojt'ol stec'lejal mero t'ujbil soc mulantic sba ta ilel. Antsetic ta Jerusalén, jich me ay stuquel te mach'a mero mulanbil cu'une, jich ay te mach'a mero smulanej te co'tane.

Isaías 41:8

Te Cajwaltic ya yal: —Aiya awaiy stojol Israel, lum yu'un Jacob, te cabat te jtsaoj jtuquele, ja' te lum te sts'umbal Abraham, te jun co'tan jba soque:

Jeremías 1:17

Te ja'ate, chajbana aba, ich'a smuc'ul awo'tan; baan soc albeya spisil te bila ya calbate. Ma me x'axi', melel teme jich ya apase, jo'on ya cac' te ya xnijc'at ta stojolic abi.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Jeremías 41:18

swenta yu'un ya xcolic ta sc'ab caldeoetic ta sc'opic. Ja' ayic ta xiwel yu'un te la smil Gedalías te Ismael, melel te Gedalías ac'bil jilel yat'el ta ajwalil ta slumal yu'un te muc' ajwalil ta Babilonia.

Ezequiel 2:6

Ja'at winic, ma me xtal xiwel ta awo'tan ta stojolic, soc ma me x'axi' te bila ya yalic ta atojole, manchuc me jich ta awo'tan te bit'il sjoyintayejat bayal ch'ixe, manchuc me ayat ta yolil tsequetic ya awaiy. Ma me xiwat yu'un teme ay bila ya yalbate, soc ma me xnijc' awo'tan yu'un teme ya xyanaj sitique, manchuc me mero tulan ya yac' sbaic ta jtojol.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

San Juan 15:13

Ma'yuc mach'a c'ax jich ay xc'uxul yo'tan bit'il te mach'a ya yac' sba ta lajel yu'un te mach'a jun yo'tan sba soque.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Filipenses 1:28

Xujt' ma me x'axi'ic te mach'a ya scontrainexe. Ja' seña ya yilic te ch'ayel ya xbajt'ique; soc ja' seña ya awilic uuc te ja'ex te ya xcolex atuquelique, yu'un jich nix yaloj te Diose.

Santiago 2:23

Jich c'ot ta pasel te bila ts'ibubil jilel ta Sjun te Diose: “Te Abrahame la xch'uun te Diose, jich toj a c'ot ta stojol Dios yu'un”, te xie. Soc jich c'ot sc'oplal te Abrahame te ja' mero sjoy sba soc te Diose.

1 Pedro 3:14

Manchuc teme ya xc'ax awocolic yu'un te bila lec ya apasique, ja'uc me to, bin nax me awutsilic yu'un. Ma me xiwex yu'un teme ay bila ya sc'an ya spasbeyexe, soc ma me x'ayan awo'tanic yu'un.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.