San Lucas 12:12 - Bible in Tzeltal de Oxchuc y Tenejapa

¹² Melel te c'alal ya sta yorail te ya xc'opojexe, te Ch'ul Espíritu ya me yac'beyex ana'ic te bila ya xc'o awalique —xi' te Jesuse.

Nuevo Testamento Tzeltal de Amatenango

¹² Porke te kꞌalal ya sta yorail te ya xkꞌopojexe, te Chꞌul Espiritue ya me yaꞌbeyex anaꞌik te tut xkꞌo awalike —xchi te Jesuse.

Bible in Tzeltal Bachajón

¹² como te Ch'ul Espíritu ya me ya'beyex ana'ic ta mero yorahil te bin ya sc'an yac awalique, xchi.

San Lucas 12:12 ပူးပေါင်းရင်းမြစ်များ

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

Éxodo 4:12

Baan me jiche, ya xc'opojon loq'uel ta awe, ya me calulaybat awaiy te bila ya awale —xi' te Diose.

San Mateo 10:19

Ja'uc me to, te c'alal ya x'ac'otex ta c'abale, ma me xjajch' amel awo'tanic yu'un te bit'il ya sc'an ya xc'opojexe soc te bila ya xc'o awalique. Melel te bi ora ya xc'opojexe, Dios me ya yac'beyex awalic te bila ya sc'an te ya awalique.

San Mateo 10:20

Melel ma ja'uc ya xc'opojex te ja'exe, ja' ya xc'opoj ta awo'tanic te Espíritu yu'un te Jtatique.

San Lucas 12:13

Ay jtul winic ta yolil te ants-winiquetic, te jich la yalbey te Jesuse: —Maestro, albeya te jbanquil te ya yac'bon oliluc uuc te bila la yijq'uitaybon jilel soc te jtate —xi'.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Hechos 4:8

Jich yu'un te Pedroe, noj ta yo'tan te Ch'ul Espiritue. Jich la yal: —Lec ay, ja'ex te jwolwanejexe, te principalex yu'un te Israele,

Hechos 6:10

Ja'uc me to, ma ju' yu'unic te la stsalic ta c'ope, melel ac'bot bayal sp'ijil yo'tan yu'un te Ch'ul Espíritu te c'alal yac ta c'ope.

Hechos 7:55

Ja'uc me to, te Esteban, te bit'il nojel ta yo'tan te Ch'ul Espiritue, jich la yil moel te ch'ulchane. La yilbey xojobil yutsilal te Diose, soc la yil teq'uel ta bay swa'el Dios te Jesuse.