San Lucas 12:1 - Bible in Tzeltal de Oxchuc y Tenejapa

¹ Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

Nuevo Testamento Tzeltal de Amatenango

¹ Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

Bible in Tzeltal Bachajón

¹ Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

San Lucas 12:1 ပူးပေါင်းရင်းမြစ်များ

2 Reyes 7:17

Te muc' ajwalil la yalbeyix mandal te sjoy ta at'el te ya me swentain scanantayel yochibal te lume, pero cotp'inot yu'un bayal ants-winiquetic tey a, jich laj. Jich nix c'ot ta pasel te bit'il albot yu'un te j'alwanej te c'alal c'ot ta ilel yu'un te muc' ajwalile.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

Job 27:8

¿Bitic xan ya smaliy te mach'a amen yo'tan te c'alal ya xpojbot xcuxlejal yu'un te Diose?

Job 36:13

—Te mach'atic amen yo'tanic bayal ya x'ilinic, soc manchuc me ayic ta chuquel, pero ma ba ya sc'anic coltayel.

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

San Lucas 11:44

“Te ja'ex jts'ibojometic soc uuc te ja'ex fariseoetic ¡ya me awil awocolic te cha'lam awo'tanique! Melel jichex te bit'il muquenaletic te ma chicanuc ta ilel, te jun yo'tan ya xc'axic ta beel tey a te ants-winiquetique, yu'un ma sna'ic teme muquenale —xi' te Jesuse.

San Lucas 12:56

¡Cha'lam awo'tanic te ja'exe! Teme ya ana'ic stsajtayel bi yilel te q'uinale, ¿bit'il ay a te ya awalic te ma x'ana'ic stsajtayel te bila yaquix ta c'oel ta pasel ta ora to?

San Lucas 5:1

Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

San Lucas 5:15

Jich c'axem to xan pujc' sc'oplal te Jesuse. Tsobol ants-winiquetic tal yaiybeyic te sc'ope soc la yaq'uic ta lamantesel te xchamelique.

San Lucas 6:17

Te Jesús coj tel ta wits soc te jnopojeletic yu'une. Tey jul stejc'an sba ta spamlej. Tey ay a te tsobol jnopojeletic yu'une soc te bayal ants-winiquetic te talemic ta sq'uinal Judea, ta muc'ul lum Jerusalén, ta lum Tiro soc ta lum Sidón te ayic ta ti'mare. Yu'un tal yaiybeyic stojol sc'op te Jesuse soc tal yac' ta lamantesel te xchamelique.

Hechos 21:20

Te c'alal la yaiyic stojole, la yalbeyic wocol Dios yu'un. Jich la yalbeyic te Pabloe: —Ilawil, quermano Pablo, ayix tsobol ta jmil te jlumaltic judioetic te xch'uunejiquix Jesús te bayal sc'oplal ta yo'tanic ta xch'uunel te mandalil yu'un te Moisese.

1 Corintios 15:3

Ja' la calbeyex awaiyic neeluc te bila tulan sc'oplal caiyoj stojole. Ja' te bit'il laj yu'un jmultic te Cristoe, jich bit'il ts'ibubil jilel ta Sjun te Diose.

Hebreos 12:22

Yan te ja'exe tey noptsajemex bael a ta bay wits Sión soc ta bay te muc'ul lum yu'un te cuxul Diose, ja' bi, ja' te Jerusalén swenta te ch'ulchane, soc ta bay tsobol ta jmil te ch'ul abatetique,

Santiago 3:17

Yan te p'ijil-o'tanil te talem ta toyole, ma'yuc bila capal stuquel a: yich'oj lamal-o'tanil, soc lequil-o'tanil, soc yutsil-o'tanil, nojel ta c'uxul-o'tanil, soc lec te sit ya yaq'ue. Ma'yuc chebal-o'tanil soc cha'lam-o'tanil.

1 Pedro 2:1

Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.