San Lucas 11:9 - Bible in Tzeltal de Oxchuc y Tenejapa

⁹ Jich yu'un ya calbeyex: C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

Nuevo Testamento Tzeltal de Amatenango

⁹ Jaꞌ yuꞌun ya kalbeyex: Kꞌambeyaik te Diose, jich me ya yaꞌbelex. Leaik te tut ya akꞌanike, jich me ya ataik ta leel. Kꞌopojanik ta tiꞌpuerta, jich me ya sjeꞌbeyex te Diose.

Bible in Tzeltal Bachajón

⁹ Ha yu'un ya calbeyex: C'anahic, hich me ya x'a'botex; lehahic, hich me yac atahic ta lehel; c'opojanic, hich me ya xjambotex.

San Lucas 11:9 ပူးပေါင်းရင်းမြစ်များ

Salmos 118:5

Te c'alal ayon ta wocol, la jc'opon te Cajwale; la yaiybon stojol jc'op stuquel, jich la yac'on ta libre.

Salmos 27:4

Jun nax te bila jc'anojbey te Cajwaltique, jun nax te bila sc'anoj te co'tane: ja' te ya x'ainon ta templo yu'un te Cajwaltic te jayeb c'aal cuxulone, swenta yu'un ya me jquejan jba ta templo yu'un, soc ya me jmulanbey a te yutsilal te c'alal ya quile.

Salmos 27:8

Jich ya yalbon te co'tane: “Lea te Cajwaltique”, xi'. Jich yu'un, Cajwal, ya me jleat.

Salmos 34:10

Te jc'ulejetic ya me xc'atp'ujic ta me'ba, soc ya me xwoclajic yu'un wi'nal; yan te mach'atic ya sle te Cajwaltic, spisil bila lec, ay me yu'unic stuquel.

Salmos 34:4

La jle te Cajwale, la stsacbon jc'op, jich jilon ta libre yu'un spisil te xiwele.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Isaías 45:19

Ma ba muquen ya xc'opojon ta bay ijc' q'uinal. Ma yu'unuc ya calbey te mach'atic sts'umbal Jacob: “Tey me ya aleon a te banti ma'yuc bi ay”, ma xoocon. Jo'on Ajwalilon smelelil ya xc'opojon, ja' ya cal te bila stojile —xi'.

Jeremías 29:12

Jich yu'un te ja'exe ya me xtal ac'opononic, te jo'one ya me caiybeyex stojol.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

Daniel 9:3

La jc'opon Dios soc la calbey wocol te Cajwaltic Diose, la jcom jwe'el soc la jlap ch'ixal pac', soc la najc'an jba ta stanul c'ajc'.

San Mateo 21:22

Spisil te bila ya ac'anic ta sc'oponel te Diose, ya x'ac'botex teme jich ach'uunejique —xi' te Jesuse.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

San Mateo 6:29

Ja'uc me to, ya calbeyex te ma la spajbey yutsilal junuc nichim te sc'u'-spac' te muc' ajwalil Salomone, manchuc teme jelawen yutsilale.

San Marcos 11:24

Ja' swentail te ya calbeyexe, te bila ya ac'anic ta sc'oponel Dios, ac'a xch'uunjel awo'tanic te ya yac'beyexe. Jich me ya awich' te bila ya ac'anique.

San Marcos 13:37

Ya calbeyex te ja'exe, soc uuc te yantique: Wiq'uiluc me asitic ta apisilic —xi' te Jesuse.

San Lucas 11:10

Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Juan 14:13

Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

2 Corintios 6:2

Yu'un jich yaloj jilel ta Sjun: “Ja' mero yorail te la caiybat stojol te ac'ope. Ja' sc'aalel colel a te la jcoltayate”, te xie. Ta ora to, ja' yorailix te ay ta ch'uunele, soc ta ora to, ja' sc'aalelalix te colele.

Hebreos 11:6

Ma xju' te lec yo'tan Dios cu'untic, ja' to teme ay xch'uunjel co'tantique. Melel ja' to ya xju' ya xnoptsajotic ta stojol Dios a teme jch'uunejtic te ay te Diose soc teme jch'uunejtic te ya yac'bey smajt'an te mach'atic ya xleot yu'unique.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

Santiago 5:15

Teme ay xch'uunjel yo'tanic te c'alal ya sc'oponic te Diose, jich me ya xcol te jchamele. Ya me xjajch'esot yu'un te Cajwaltique, soc teme ay staoj smule ya me spasbot perdón yu'un.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

Apocalipsis 2:24

Ja'uc me to, te ja'exe soc te mach'atic ayic ta Tiatira te ma ba ach'uunejic te bila ya yac' ta nopel te Jezabele soc te ma ba bajt' ta awo'tanic snopel te bila mero tulan p'ijubtesjibal ta sc'opic te ja' yu'un Satanás stuquele, ya calbeyex te ma'yuc yan mandal te ya cac'beyex acuchique.