San Lucas 11:51 - Bible in Tzeltal de Oxchuc y Tenejapa

⁵¹ Ja' to ta xjajch'ibal te malbot xch'ich'el te Abele soc ja' to te c'alal malbot xch'ich'el te Zacarías te la yich' milel ta bay olilal ay yu'un te xchic'jibal smajt'an Dios soc te temploe. Melel xcalbeyex, te jayeb mach'atic cuxulic ta q'uinal ta ora to, ya me x'ac'bot xcuchic stojel te mach'atic lajemic ta milele.

Nuevo Testamento Tzeltal de Amatenango

⁵¹ Jaꞌ bi, jaꞌ slijkibal te malbot xchꞌichꞌel te jꞌAbele sok jaꞌ to te kꞌalal malbot xchꞌichꞌel te Zacariase, jaꞌ te la yichꞌ milel ta yolil te xchikꞌojibal smajtan Dios te ba temploe. Jich me ya kalbeyex, te machꞌatik kuxulik ta balmilal te ora to ya me xꞌaꞌbot xkuchik smalel te xchꞌichꞌelike.

Bible in Tzeltal Bachajón

⁵¹ c'alal ta sch'ich'el Abel ha to c'alal ta sch'ich'el te Zacarías te la yich' milel ta ohlil yu'un te scajtajib smahtan Dios soc te Templo. Ya calbeyex te ha me ya x'a'bot scuch te jcaj ts'umbalil ini.

San Lucas 11:51 ပူးပေါင်းရင်းမြစ်များ

Génesis 4:2

Patil tal yuts', Abel sbiil c'ot yu'un. Te Abel la yat'elin xch'ijtesel chij, yan te Caín la yat'elin sts'unel awalts'unub ta lumq'uinal stuquel.

Jeremías 7:28

Albeya: “Ja' in nación to ma xch'uunbonic jc'op jo'on te Ajwalilon te Dioson yu'une, ni ma sc'anic tojtesel. Te stojil yutsil yo'tanique ch'ay c'axel ta yeic ta jyalel”, uta me —xi' te Cajwaltique.

Zacarías 1:1

Ta swaxaquebal u swenta xchebal ja'wil sjajch'el ta mandalteswanej a te muc' ajwalil Darío, te Cajwaltic ay c'op la yalbey yaiy te Zacarías, ja' te snich'an Berequías, te smam Ido. Jich la yalbey:

San Mateo 23:35

Jich yu'un te ja'exe, ja' me ya xc'ot ta awentaic stojel te la yich' malel xch'ich'el spisil te mach'atic toj yo'tanic te lajemiquix tele, jich bit'il te Abel te la yich' malel xch'ich'el ta xjajch'ibal, ja' to c'alal ta Zacarías te snich'an Berequiase te la yich' malel xch'ich'el ta bay olilal ay yu'un te xchic'jibal smajt'an Dios soc te temploe.

Hebreos 11:4

Ta swenta xch'uunjel yo'tan te Abele, la yac'bey smajt'an Dios te c'axem to xan ay yutsil stuquel a te bit'il la yac' te Caine. Jich lec yo'tan Dios yu'un te Abele, lec sc'oplal c'ot yu'un te majt'anile. Ja' swentail te yac to ta c'op c'oem ta ora to, manchuc teme lajemixe.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.