San Lucas 11:4 - Bible in Tzeltal de Oxchuc y Tenejapa

⁴ Pasbotic perdón yu'un jmultic, jich nix te bit'il ya jpasbeytic perdón uuc te mach'atic ay smul ta jtojoltique. Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene,” xaex me ta sc'oponel te Diose —xi' te Jesuse.

Nuevo Testamento Tzeltal de Amatenango

⁴ Aꞌbotik me perdon yuꞌun te jmultike jachik tutꞌil te ya jpasbeytik perdon yuꞌun te machꞌa ya sta smul kuꞌuntike. Y ma me xꞌawakꞌ mulawukotik. Koltayaotik me te ba tut ma tsaꞌamuke, xchaex me, —xchi te Jesuse.

Bible in Tzeltal Bachajón

⁴ Pasbotcotic perdón yu'un jmulcotic, como hich nix ya jpasbecotic perdón te mach'atic ay smul ta jtojolcotic. Soc ma me xawac'otcotic ta sujel ta mulil, ac'awotcotic ta libre yu'un te bin chopole, xchi te Jesús.

San Lucas 11:4 ပူးပေါင်းရင်းမြစ်များ

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

1 Reyes 8:34

aiybeya me sc'op c'alal ta ch'ulchan, pasbeya perdón te smule, ac'a sujt'uc xan tel tey ta lumq'uinal awac'ojbey te namey sme'-statique.

1 Reyes 8:36

aiybeya me sc'opic c'alal ta ch'ulchan, pasbeya perdón te smulic te abatetic awu'un, ja' te lum Israele. Ac'beya yil te buen lequil be te ay ta swentaic st'unele. Ticunbeya tel te ja'al li' ta lumq'uinal te la awac'bey yu'unin te lum awu'une.

Salmos 121:7

Te Cajwaltic ya scanantayat ta yu'el ta spisil te bitic chujc'ul ya staate; ja' ya scanantaybat te acuxlejale.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Salmos 25:18

Ilbon awil te jmel-o'tane, soc te jwocole, soc pasbon perdón yu'un te muliletic la jpase.

Daniel 9:19

¡Cajwal, Cajwal! ¡Aiya jc'optic, pasbotic perdón yu'un te jmultique! Ich'awotic ta wenta, Cajwal. La' coltayawotic, ta awenta nix ja'at, Dios cu'un, soc ta swenta Jerusalén, soc ta swenta te lum awu'un, te ya yalic wocol ta atojole. La' me ta ora —xoon ta sc'oponel te Diose.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

San Mateo 18:35

“Ja' nanix jich uuc te Jtat te ay ta ch'ulchane. Jich me ya spasbeyex teme ma ba ya apasbey abaic perdón juju-jtul soc te awermanoe —xi' te Jesuse.

San Mateo 26:41

Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique. Melel ay yip stuquel te awo'tanique. Ja' nax te abaq'uetalic te ma'yuc yipe —xi'.

San Lucas 11:5

Soc la yal xan te Jesuse: —Jich bit'il in to: Teme ay jtul te mach'a jun awo'tan aba soque te ya xba ac'opon ta sna ta olil ajc'ubal: “Ac'bon jelbat oxpejch'uc awaj,

San Lucas 13:4

¿Soc acuyojic bal te c'axem to xan ay smulic te bit'il yantic ta Jerusalén ay waxaclajuntul (18) te lajic ta net'el c'alal jin tel te snajt'il sts'ajc'ul ta bay Siloé?

San Lucas 22:46

Jich la yalbey yaiyic: —¿Bistuc te wayexe? Jajch'anic, c'oponaic Dios, swenta yu'un ma ba ya xyalex yu'un te yiljibal awo'tanique —xi' te Jesuse.

San Lucas 8:13

Te awalil te c'ot ta ba tontiquile, ja' sc'oplal te mach'atic bin nax yo'tanic yu'un te sc'op Diose, ja'uc me to, ma ba c'uben coel yisim c'oem. Ja' nax ya xch'uunic che'oxeb c'aal. Yu'un te c'alal ya xtal ta stojolic te yiljibal yo'tanique, ora ya xchebaj yo'tanic yu'un.

San Juan 17:15

Ma ja'uc ya calbat wocol yu'un te ya aloq'uesbon ta balumilale; ja' ya jc'anbat te ma xawac' a te bila amene.

1 Corintios 10:13

Te yiljibal awo'tanic te ya xtal ta atojolique, pajal ay ta atojolic soc te yantic ta bayuc. Ja'uc me to, jun yo'tan ta jtojoltic te Diose. Jich ma xyac' jelawuc xan yip ta atojolic te yiljibal awo'tanique, ma xyac' jelawuc a te bit'il ya xcujch' awu'unique. Yu'un te c'alal ya xtal te yiljibal awo'tanique, ya me slebeyex uuc te bit'il ya xju' ya xcolex loq'uele, swenta yu'un jich me ya xcujch' awu'unic.

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

2 Tesalonicenses 3:3

Ja'uc me to, jun yo'tan te Cajwaltique. Ya me stulantesbeyex awo'tanic spisil ora, soc ya me scanantayex te ma xyaq'uex ta uts'inele.

2 Timoteo 4:18

Ja' la scoltayon loq'uel ta yolil spisil te bila amene, soc ya me scanantayon ja' to c'alal ya sta yorail te ya yic'on bael ta banti ay ta ajwalinel te Diose. Ac'a ich'otuc ta muc' soc yutsilal sbajt'el q'uinal. Jichuc.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Apocalipsis 2:10

Ma me xiwat yu'un te bit'il ya xc'ax bayal awocole. Melel te pucuje ya me yaq'uex ta chucjibal swenta yu'un jich me ya yilbeyex awo'tanic ta apisilic. Tey me ya xc'ax awocolic lajuneb c'aal a. Ja'uc me to, junuc me awo'tan ta jtojol, manchuc teme ya xlajat tey a. Jich me ya cac'bat acorona swenta cuxlejal.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.