San Lucas 11:32 - Bible in Tzeltal de Oxchuc y Tenejapa

³² Ja' nix jich uuc te niniveetique. Ya me stejc'an sbaic ta yalbeyel smulic te jayeb mach'a cuxulic ta q'uinal ta ora to, te melel te niniveetique la sujt'es yo'tanic yu'un smulic te c'alal albot yaiyic yu'un Jonás te bila yaloj te Diose. Yan te mach'a li' ay to, ja' cajal yu'un te Jonase.

Nuevo Testamento Tzeltal de Amatenango

³² Sok teꞌ me ayik ekꞌa te jniniveetike. Jaꞌ me ya yalbeyik smul kꞌoem euk te genteetik te kuxajtik te ora to, porke te jniniveetike la sujtes yoꞌtanik yuꞌun smulik te kꞌalal la yaꞌiyik te skꞌop Dios te albot yuꞌun te Jonase. Yan te ora to liꞌ ay te machꞌa mukꞌ yuꞌun te Jonase.

Bible in Tzeltal Bachajón

³² Te mach'atic yu'un Nínive ya me xhahchic ta yorahil ich'el ta c'op soc ya me yalbe smul te jcaj ts'umbalil ini; como la suhtes yo'tanic c'alal la ya'iyic te sc'op Dios la yal te Jonás, pero ay mach'a li' ay te c'ax hich sc'oblal a te bin ut'il Jonás.

San Lucas 11:32 ပူးပေါင်းရင်းမြစ်များ

Jonás 3:4

Te Jonás och bael ta yutil te muc'ul lume. Been bael te jun c'aal. Jich yac ta yalel ta aw: —¡Ta cha'winic c'aal ya me xlaj te lum Nínive! —xi' ta aw.

Jonás 3:5

Ta spisil te yajwal te lume, muc'-biq'uitetic, la xch'uunic te Diose, soc la yalic mandal te ya scom swe'elic soc te ya slapic ch'ixal pac'.

Jonás 4:9

Pero albot yu'un te Diose: —¿Lec bal ya awaiy te bayal ya x'ilinat yu'un te taquej te jtejc' ch'opac te'? —xi' sc'oplal. La sjac' te Jonase: —Yu'unix lec ya caiy a. ¡Mero ya xlajonix yu'un slab co'tan ya caiy! —xi' xan.

San Mateo 12:39

La yal te Jesuse: —Ya nax sc'an seña yilic te mach'atic te amen yo'tanic soc te mach'atic ma junuc yo'tanic ta stojol te Diose, ja'uc me to, ma x'ac'bot yilic. Ja' seña ta stojolic te Jonás te namey q'uinal j'alwanej yu'un te Diose.

San Mateo 12:41

“Te c'alal ya sta yorail ya x'ilbot yat'elic te jayeb ants-winiquetic cuxulic ta q'uinal ta ora to, tey me ayic uuc a te niniveetique. Ja' me ya yalbeyic ta jamal te smulique, melel te niniveetique la sujt'es yo'tanic yu'un smulic te c'alal la xchol sc'op Dios te Jonase. Yan ta ora to li' ay to te mach'a cajal yu'un te Jonase.

San Lucas 11:31

Te c'alal ya sta yorail te ya x'ilbot bi yilel yat'elic te jayeb ants-winiquetic te cuxulic ta q'uinal ta ora to, tey me ay a te antsil-ajwalil te ay ta stojol sur. Ya me stejc'an sba ta yalbeyel smulic c'oem, te melel c'ubul tal yaiybey stojol sp'ijil sc'op te Salomone. Yan te mach'a li' ay to, ja' cajal yu'un te Salomone.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.